Lambertsrôo

Lambertsrôo Lambersart
Lambertsrôo in 't arroundissement Rysel
Geografie
Regio	Hauts-de-France
Departement	Noorderdepartement
Arroundissement	Rysel
Kanton	Lambersart
Coördinoatn	50°39′NB 3°01′OL
Ippervlak	6,16 km²
Inweuners
Inweuners Bevolkiengsdichtheid	27 517 (2015) 4 467 inw./km²
Andere
Burgemêester	Christiane Krieger
Postcode	59130
Webadres	Site van Lambertsrôo

Lambertsrôo ofte Lambersart (Nederlands: Landbertsrode) es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. 't Grenst an de gemêentn Verlingem, Sint-Andries-Rysel, Rysel, Olm en Lompret. Olangsn de zuudôostkant van Lambertsrôo lôopt de Deule.

Noame

Volgest de toponymie van de Fransche noame Lambersart schynt et da de plekke in tydde nen bus wos die gerôoid es gewist ("essarté" in't Frans, "exartatus" in't Latyn) deur ne miensch die "Lambert" noemde. Dad es ôok te ziene an de Latynsche noame van de plekke: Lamberti sartum. In't Vlams noemdige de plekke Landbertsrode want in Vlams es "-rode" ofte "-rooi" de noame van e gerôoid bus (gelyk ôok de noame van teffrente plekkn in Vloandern lyk Boasrôo ofte Sint-Genesius-Rôo).

Bezienweirdigeedn

• De Sent-Calixtuskerke
• D'Ouze-Lieve-Vrouwe-van-Fatimakerke
• D'Illig-Grafkerke
• In Lambertsrôo stoan der ôok e pôote beschermde hêernuuzn:

• Villa Saint-Charles, uut 1893
• Villa Saint-Georges, uut 1897
• En art-deco-uus an den Avenue Bailly-Ducroquet 60
• Villa Sdez, uut 1932

• 't Château de la Cessoie
• 't Château des Ormes
• 't Deutscher Soldatenfriedhof Lambersart, e Duutsch militair kerkof mè 5090 gesneuvelde Duutsche soldoatn uut d'n Êestn Weireldoorloge

De Sent-Calixtuskerke in Lambertsrôo

Ofbeeldiengn die ier by passn ku je vien in de categorie Lambersart van Wikimedia Commons.