Ermentiers

Van Wikipedia
Vrankryk Ermentiers
Armentières

Armentiers in 't arroendissement Rysel
Geografie
Regio Hauts-de-France
Departement Noorderdepartement
Arroundissement Rysel
Kanton Ermentiers
Coördinoatn 50°41′NB 2°52′OL
Ippervlak 6,28 km²
Inweuners
Inweuners

Bevolkiengsdichtheid

25.015 (2016)
3983 inw./km²
Andere
Burgemêester Bernard Haesebroeck
Postcode 59280
Webadres Site van Ermentiers


Ermentiers ofte Armentiers (Frans: Armentières) es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Ermentiers ligt in't Leiedal, teegn de schreve mè 't Woalsche Koomn-Woastn en de Fransche Westoek.

't Grenst an de gemêentn Koomn-Woastn (mêer bepoald an Ploegsteirt en 'n Bizee), Opline, Ermentiers-Kapelle, Erkegem an de Leie en Niepkerke. In Ermentiers ligt er ôok e stoasje an d'yzerboane tusschn Rysel en Oazebroeke.

Ermentiers es e klêene steej an de Leie da leeft van d'industrie. Der weun'n apeupri 25.000 mienschn die ze Armentiérois noem'n. D'n bekendst'n Armentiérois es verzekers Dany Boon, klugtigoard en acteur bekend van de film Bienvenue chez les Ch'tis uut 2008.

Koarte van Ermentiers in 1649 deur Joan Blaeu
Belfort van Armentiers

Geschiedenisse[bewerkn | brontekst bewerken]

't Dorp Ermentiers is vo 'n êeste ki vernoemd in 869 ounder de noame Atramentarias. 't Wos e dêel van 't Groafschap Vloandern, en 't lag êeuwnlank op de grenze tussch'n 't stik woa dan ze Vlams koutigd'n en Romoans-Vloandern. Deur 't Verdrag van Oakn van 1668 kwam et by Vrankryk, tôope mè Rysel. In de neegntiende êeuwe wierd et en industriestad die lêefde van d'n textil en de brouwery'n. Ermentiers eit ôok vrêe te lyd'n g'et byst de twêe weireldoorloogn. In d'n Êestn Weireldoorloge es 't stee twêe kêer deur de Duutsche veroverd.

"Armentières, pauvre mais fière"[bewerkn | brontekst bewerken]

Ton da Ermentiers by Vrankryk kwam, goenk er e delegoasje van de stad na keunienk Lodewyk XIV. Achter vele joarn van ôorlog wos 't oarmoe troef by de bevolkienge. Moa de burgers wou'n nunder ni loatn kenn'n, en azo schôoinde ze sjieke klêers van ander mienschn om by 'n keunienk te komm'n. Lodewyk XIV adde ôord van nunder truuksje en ne zei: Armentières, pauvre mais fière (Ermentiers, arme moa preus). Da blêef, tout op vandoage, de spreuke van de stad.

Beziensweirdigeedn[bewerkn | brontekst bewerken]

  • 't Belfort van Ermentiers
  • De Sent-Vaastkerke
  • De Sent-Louiskerke
  • D'Oude-Lieve-Vrouwe-van't-Illig-Èrte-kerke
  • D'Illige-Theresia-van't-kindeke-Jezuskerke
  • De Sint-Jozefskerke
  • 't Cité Bonjean Military Cemetery, e militaire begroafplekke uut d'n Êestn Weireldoorloge, mè mêer of 2600 ôorlogsgroavn. Ip't kerkof stoat ôok 't Cité Bonjean (New Zealand) Memorial, êen van d'oorlogsmonument'n vo de dôo soldoatn uut Nieuw-Zêeland die gin gekend graf ein.
Wikimedia Commons
 
Gemêentn in 't arroundissement Rysel
Vlagge van Vrankryk

Allennes-les-Marais | Anstaing | Arrebodem | Attiches | Aubers | Avelin | Bachy | Baisieux | Bauvin | Beaucamps-Ligny | Berkem | Bersée | Bois-Grenier | Bonduwe | Bourghelles | Boviengn | Busbeke | Camphin-en-Carembault | Camphin-en-Pévèle | Carnin | Chemy | Chéreng | Cobrieux | Croix | Deulemounde | Doenk | Emmerin | Engelo | Ennelin | Ennetières-en-Weppes | Ennevelin | Erkegem | Erkegem an de Leie | Ermentiers | Ermentiers-Kapelle | Faches-Thumesnil | Falempin | Forest an de Marke | Fournes-en-Weppes | Fretin | Fromelles | Genst | Gondecourt | Gruson | Hallennes by Arrebodem | Hantay | Hem | Herlies | Herrin | Houplin-Ancoisne | Illies | Kampingem | Kiezenet | Koomn-Frans | La Bassée | La Neuville | Lambertsrôo | Lannoy | Le Maisnil | Leers | Lesquin | Lezennes | Linsele | Lis by Lannoy | Lompret | Loos | Louvil | Marcq-en-Barœul | Markebrugge | Markette | Marquillies | Mérignies | Moncheaux | Mons-en-Barœul | Mouchin | Mouvouw | Neuville-en-Ferrain | Noyelles by Sikelin | Oalewyne | Opline | Ostricourt | Perensys | Permeke | Péronne-en-Mélantois | Pevelenberg | Pevelenkapelle | Provin | Radingem | Roboais | Ronchin | Roenk | Rysel | Salomé | Santn | Schobeke | Sequedin | Sikelin | Sengin | Singem | Sint-Andries-Rysel | Sison | Templemars | Templeuve | Terkoeje | Thumeries | Toffeloare | Tourmignies | Tressin | Vendeville | Verlegem | Verlingem | Villeneuve-d'Ascq | Wahagnies | Wanhem | Waskenhal | Wattenys | Watterloo | Wemmersys | Wervik-Zuud | Willems | Woavern | Wyker | Zelleken | Zuud-Woastn

Officiële Fransche noamn