Leif Hoste

Van Wikipedia
Ga naar: Begunplekkn, zoeken
Leif Hoste
Leif Hoste
Persoonlikke informoatie
Noame Leif Hoste
Bynoame Polle
Gebortedoatum 17 juli 1977
Geborteplekke Kortryk, Belgie
Lengte 183 cm
Gewichte 68 kg
Specialisoatie tydryen en nôordelikke klassiekers
Ploegen
Ploeg van nu Silence-Lotto
Ploegen van toun
2007

2005-2006
2003-2004
2001-2002
1999-2000
1998

1997
Predictor-Lotto

Discovery Channel Pro Cycling Team
Lotto-Domo
Domo-Farm Frites
Mapei-Quick·Step
Vlaanderen 2002-Eddy Merckx

Mapei-GB (stagiair)
Portoal Sport
Dit artikel es geschreevn in 't Kortryks, en da zou best ozô bluuvn.

Leif Hoste (Kortryk, 17 juli 1977) is nen Belgischen coureur die nu in Moaldegem weunt, moar ipgegroeid is in Boaviekove.

Hoste is surtout gekend lik e goein tydrydr (en is ol Belgisch kampioen, by de profs en by de jeugd), moar ie kan ôok goe mee in de mêeste vôorjoarsklassiekers. Ie es by d'echte toppers gereeknd sedert zyn twêedde plekke in de Rounde van Vloandern va 2004 (achter 'n Duuts Steffen Wesemann). Ie koste ip de sympathie van hêel Vloandern rekenn toen dat ie in 2007 vo den derde kêe twêdde wos in de Rounde, achter Ballan.

Palmares[bewerkn | brontekst bewerken]

Echte grôte overwinniengn et Hoste nog nie goald, moar en is olglik ol ne kêe Belgisch Kampioen tydryn gewist en ie eit ol de Driedoagse van De Panne gewonn.

Ie es vodder ol 3 kêers 'n twêedn gewist in de Rounde van Vloandern (2004, 2006 en 2007), en en et ol dichte endigt in koersn lik Kuurne-Brussel-Kuurne en E3 Prys van Oarelbeke.

Incidentn[bewerkn | brontekst bewerken]

  • In 2004 eit ie vele zoagienge gèd omdat ie Dave Bruylandts gon oaln et in de latste kilomeiters van de Rounde van Vloandern en ezo Wesemann in e zetel no de mete brochte.
  • De weke derachter rêedn styf goed in Paris-Roubaix, mor ie grochte achter deurdat er e Vlamsche vlagge in ze wiel droaidige. Ie endigde ton ollyk nog 'n twoalvsn.
  • Beisn Paris-Roubaix van 2006 et 'n twêedn gèndigd, moar ie es uut 'n uutslag genoomn omdat ie tope me Peter Van Petegem en Wladimir Gusev (d'êeste achtervolgers up Fabian Cancellara, die ewonn et) deur ne traveir gereen es die toe wos voun ne tring. Oloewel dat die diskwalifikoatie voe bykan iederêen onrechtveirdig wos, zyn ze ollyk uut 'n uutslag goald.

Externe koppelienge[bewerkn | brontekst bewerken]