Pimpelmêze
Uit Wikipedia
| Pimpelmêze | |||||||||||||
|---|---|---|---|---|---|---|---|---|---|---|---|---|---|
 E pimpelmêze |
|||||||||||||
| Taxonomische indêlienge | |||||||||||||
|
|||||||||||||
| Sorte | |||||||||||||
| Parus caeruleus Linnaeus, 1758 |
Pimpelmêezn zyn klêne zangveugeltjes, die trekkn up koolmêezn, mo wel e bitje klinder zyn. In de wienter kuj ze vele zien aj teetn legt of angt (oapenotjes en vetbolln).
Inoud |
[bewerkn] Uutzicht
Pimpelmêzetjes komn mor e grôte 10 cantmeiter.
Ze zyn schône ekleurd, me nunder gilf buuksje en nundern rik en nunder vlerkn die blauw en groene zyn. Nunder koptje is wit met e bitje zwort (oundermêer e strieptje over nunder oogn). De boovnkant van nundern kop is blauw.
[bewerkn] Verspreidieng en leefgebied
Pimpelmêezn kommn vôorn in bykan hêel Europa toet in 't zuudn va Scandinoavje en in 't westn van Azië. De mêeste trekkn in de wienter nie no’t zuudn Eigentlik zyn 't busveugels, mor oundertusschn kommn ze e bitje overol vôorn, in de wienter oek vele in ovetjes woa dat er teetn upangn is. 't Zyn echte akroboatn, die stief goed an gevulde zaksjes kunn angn.
[bewerkn] Leevnswyze
[bewerkn] Teetn
Z'eetn juste lyk koolmêezn en de mêeste aar mêezn olle sôortn zoadn (mor oek oapenotjes) en vele sôortn fernient, zeker anze joungn en.
In Iengeland zyn der die mekflosschn oopn doen (van die oede modelln die up de zulle stoan) voen't vet die der vanboovn updryft.
[bewerkn] Vôortplantienge
Ze moakn nunder nest in olle sôortn gatjes en ze leggn oek gemakkelik eiers in nestkassn (met e gatje die te klêne is voe koolmêezn). Ze moakn e zocht nestje va mos, oar, wulle en pluumtjes. Ze leggn oungeveer 8 eiers, mo't kun der mêer zyn. Oltemets leggn der mêer of 1 wuvetje in 't zeste nest.
