Richilde van Henegouwn

Van Wikipedia
Ga naar: Begunplekkn, zoeken
Richilde van Henegouwn
ca. 1025-1086
Blason fr Hainaut ancien.svg
Gravinne van Henegouwn
Periode 1039-1051
1051- 1070
(mè Boudewyn I)
1070 - 1071
(regentesse vor Arnulf III)
Vôorganger Herman van Bergn
Ipvolger Arnulf
Blason Comte-de-Flandre.svg
Gravinne van Vloandern
Periode 1051-1070
Vôorganger Adela van Mêesn
Ipvolger Gertrude van Saksn
Voader Reinier van Hasnon
Moeder

Richilde (ca. 1025 - 15 moarte 1086), was van 1039 gravinne van Henegouwn en achter da ze in 1051 getrouwd was mè Boudewyn VI van Vloandern ook gravinne van Vloandern.

Z’hen lange gepeisd da ze de dochter was van Reinier V van Bergn, moa ze was eigentlik zyn schôndochter, want ze was getrouwd mè zyn zeune Herman van Bergn. Reinier V, groaf van Bergn, haad round 1024 ook et zudelik stik van Broabant gekreegn.

Richilde zoudt e nichte gewist zyn van paus Leo IX en dus ofstammn van Dagsburg-Egisheim in de regio Elzas, moar ook van de Reiniers.

Heur huwelik met Herman van Bergn wierd betwist deur boedverwantschap, moa was wel anveird deur de bisschop van Koameryk.

Heur voader zou Reinier van Hasnon gewist zyn, markgroaf van Valenciennes tusschn 1045-1048/1049.

Trouws en jounges[bewerkn | brontekst bewerken]

Ze trouwde round 1040 mè groaf Herman van Bergn († 1051), zeune van groaf Reinier V van Bergn en Mathilde van Verdun.

Herman en Richilde regeerdn tegoare over Bergn van 1039 tout 1051. Round 1048/1049 krêegn z’ook ’t markgroafschap Valenciennes van de Duutse keizer Hendrik III van et Hillig Rooms Ryk, en woarn Bergn en Valenciennes were verênigd.

Hunder jounges woarn:

  • Robert, bisschop van Châlons-sur-Marne
  • Gertrude, nunne

Richilde verzetteg heur teegn heur vint ot ’n hem verbound mè Godfried III van Lêger-Lothariengn en Boudewyn V van Vloandern teegn keizer Hendrik III. Heur vint stierf in 1051 en ’t zelfste joar trouwde ze mè Boudewyn VI van Vloandern. De kerke was nie akkôord vanwege bloedverwantschap en liet et huwelik nietig verkloarn, moa loater kwam paus Leo IX doar ip were. Richilde arrangeerde dat heur jounges van heur êeste vint hunder voader nie kostn ipvolgn. Heur zeune Roger kwam bisschop van Châlons-sur-Marne en heur dochter Gertrude gieng in ’t klôoster.

Heur jounges mè Boudewyn woarn:

  • Arnulf III (1055 † 1071), groaf van Vloandern en Henegouwn
  • Baudouin II (1056 † 1098), groaf van Henegouwn
  • Agnès, leefde in 1071

In 1071 trouwde Richilde met heur derde vint William Fitzosbern, den Iengelschn groaf van Hereford.

De Slag by Kassel[bewerkn | brontekst bewerken]

Achter den dôod van heur twidde vint Boudewyn VI in 1070, regeerde Richilde kortn tyd over de groafschappn Vloandern en Henegouwn, ols voogdesse over Arnulf III, oudste zeune van heur twidde vint. In 1071 begost heur schônbroere, Robrecht I van Vloandern e familieoorloge vo zyn erfrecht ip ‘t groafschap Vloandern. In de Slag by Kassel (22 februari 1071) verloorn Richilde en heur boundgenôotn, woaby dat heur zeune Arnulf en heur derde vint William Fitzosbern sneuveldn.

Achter de slag erkende keunienk Filips I van Vrankryk Robrecht I ols nieuwn groaf van Vloandern. Doamee kwamt er ’n ende an de verênigienge tusschn Vloandern en Henegouwn. Richilde en heur andere zeune Boudewyn II hieldn Henegouwn.

Richilde stierf in 1086 en z’is lik heur twidde vint Boudewyn ook begroavn in d’abdye van Hasnon.