Ridder Jan van Dadizele

Van Wikipedia
Proalgraf van Ridder Jan en zyn vrouwe in de crypte van de basilieke van Deizel

Jan III van Veerdeghem of Ridder Jan van Dadizele (Deizel, 23 februoari 1432 - Antwerpn, 7 oktober 1481) wos e ridder in de Middelêeuwen en baljuw van Vloandern.

Je wos de zeune van Jan II en Katharina Patyn. Ost 'n 17 joar oud wos begost 'n an e militaire carrière. Je dêe mee an verschillige veldsloagn in dienst van de Bourgondische hertoogn. Je trouwde me Kateleyne Breydel. Zyn tante was Gille van Dadizele, abdis in Marquette by Rysel.

Je leefde in e kastêel in 't domein Mariënstede. Ie wos nen vertrouwelink van Maria van Bourgondië, ma ip 't moment da ze trouwde mé Maximiliaan van Oostnryk gink 't slicht mé hem. Jan protesteerde tegen Maximilioan omdat dendien tevele taksen eiste voe oorloge. (Der woa ton wok veel honger, peste en der woaren wok vree koude winters gewist), en doardeure est ie uteindelik ommegebrocht deur Maximilioan.

Den 7stn oktober 1481 ist 'n in Antwerpn vermôord. Zyn proalgraf stoat in de crypte van de O.L.Vrouwebasilieke in Daizel.