Rollo

Van Wikipedia
Rollo
ca. 846- ca. 932
Hertog van Normandië
Periode911-927
VôorgangerNieuwn titel
IpvolgerWillem I van Normandië
VoaderRagnvald Eysteinsson
MoederRagnhilde
Gisant up Rollo's graf in de kathedroale van Rouen

Rollo (ca. 846 – ca. 932), was jarl (Vikingleider) en stamvoader van ’t hertogdom Normandië. De noame Rollo is e Frankisch-Latynsche noame, die verzekers ofgeleid is van de Oudnoorse noame Hrolf (modern Scandinavisch Rolf).

Volgns sommigte historici zou Rollo ofkomstig gewist zyn uut Denemarkn, volgns andere zoudt ’n e zeune gewist zyn van Ragnvald Eysteinsson (Øysteinsson), groaf van Møre in West-Noorweegn, met de noame Ganger Hrolf (Hrolf de Wandeloare). Zyn lapnoame krêegt ’n omdat ’n zo grôot was, dat er gin êen peird hem koste droagn.

Achter plunderiengn in Schotland, Iengeland en Vloandern begost ‘n mè zyn Vikings de streke round de Seine en de Somme ounveilig te moakn.

In 911 kost de keunienk van West-Francië Karel de Simpeln hem ’n ende teegn houdn by de Slag van Chartres, moar uuteindelik begost ’n mè vredesounderhandeliengn. By ‘t verdrag van Saint-Clair sur Epte, gaf Karel hem e stik van Neustrië me de stad Rouen in lêen.

D’ofsproake was da Rollo de streke most beschermn teegn andere Vikings. Je most ’t gezag van de keunienk anveirdn en hem ook bekêern tout ’t Christndom en hem loatn doopn, woaby dat ’n de Frankische noame Robert krêeg. Achter zyn doop krêeg Rollo Karels dochter Gisela.

De Vikings wierdn Nordman genoemd in ’t Germoans, en de streke wierd noar hunder genoemd. D’oorsprounkelikke bevolkienge was sedert de Romeinschn tyd Romoanstoalig. Rollo's Vikings begostn te trouwn mè vrouwn uut de streke en achter e poar generoaties klaptn z’ollêne nog Normandisch. Nu klapt er nog moar e klêen dêel van de bevolkienge die toale.

Rollo trouwde round 886 mè Poppa van Bayeux. In 912 zettegt ie heur an de kant vo te kunn trouwn mè Gisela, de dochter van Karel de Simpeln. Achter heur dôod, nie vele later, hèt 'n Poppa were gepakt.

Zyn jounges mè Poppa:

Round 927 volgde Rollo ‘s zeune, Willem Langzweird hem ip. Ounder hem krêeg Normandië zyn uutendelikke vorm.

Ip ’t ende van Rollo ‘s leevn had ’n zyn gebied ol uutgebreid tout an de Vire riviere. J’is begroavn in de kathedroale van Rouen.

Stamboom van Rollo tout Willem de Veroveroare
Wikimedia Commons