West-Francië
Uit Wikipedia
West-Francië was ’t keunienkryk van Karel den Kletsn, achter dat ’t Frankisch Ryk in drieën verdeeld was by ‘t Verdrag van Verdun in 843.
’t Ryk wierd verdeeld ounder de drie zeuns van Lodewyk den Vroomn.
- Den oudstn, keizer Lotharius I, krêeg Middn-Francië
- Lodewyk den Duuts krêeg Oost-Francië
- Karel den Kletsn krêeg West-Francië
West-Francië bestound officieel van 843 tout 987.
In 987 kwamt er ’n ende an de dynastie van de Karoliengers en met Hugo Capet begost de periode van de Capetiengers. Van ton wordt ’t keunienkryk Vrankryk genoemd.
West-Francië bestound uut Neustrië en Aquitanië met ’t westelik stik van Austrasië en ‘t nôordwestelik stik van Bourgondië.
[bewerkn] Keuniengn in West-Francië
- 843 - 877: Karel II, den Kletsn, keizer van 't Hillig Rôoms Ryk (875-877)
- 877 - 879: Lodewyk II, den Hakkeloare
- 879 - 882: Lodewyk III
- 879 - 884: Karloman II
- 884 - 887: Karel den Dikkn, keizer van 't Hillig Rôoms Ryk (881-888)
- 888 - 898: Odo I, groaf van Parys, van 't Huus van de Robertynn.
Van nu wordt de Fransche krône soms gewisseld tusschn Karoliengers en Robertynn.
- 898 - 923: Karel III, den Simpeln
- 922 - 923: Robert I (Robertynn)
- 923 - 936: Rudolf I (Robertynn)
- 936 - 954: Lodewyk IV
- 954 - 986: Lotharius
- 986 - 987: Lodewyk V, den Leegoard (de latstn Karolienger in West-Francië)
Achter den dôod van Lodewyk V wierd Hugo Capet, zeune van de Robertyn Hugo den Grôotn, verkoozn tout keunienk.
