Sint-Walburgakerke (Brugge)

Van Wikipedia
De Sint-Walburgakerke
't Interieur

De Sint-Walburgakerke is e Brugsche barokkerke uut de 17e eeuwe. ’t Was oorsprounkelik e Jezuïtekerke tout da paus Clemens XIV d’orde stopte in 1773. De kerke blêef leeg stoan van 1773 tout in 1779.

D’oude Sint-Walburgakerke stound e bitje verder ip den hoek van de Sint-Walburgastroate en de Ridderstroate. De kerke was eest d'oudste groafelikke kapelle en bestound ol in de 10e eeuwe. Tout in de 13e eeuwe was 't nog e groafelikke kapelle.

Deurda de kerke styf bouwvallig gewordn was mochtn de parochioann van 11 januoari 1779 de leegstoande Jezuïtekerke gebruukn en d’oude kerke wierd in 1781 ofgebrookn.

De Jezuïtn[bewerkn | brontekst bewerken]

D’orde van de Jezuïtn, gesticht in 1540 en van ’t joar 1570 in Brugge gevestigd, begostn d’r e klêen college in 1575. Deur den ounrustign tyd van de Tachtigjoarign Oorlog en ‘t anti-katholiek klimoat wierdn ze in 1578 verplicht van te vertrekkn no Sint-Omoars. In 1584 verbeterde de situoatie van de Spanjoardn ounder Alexander Farnese en kostn ze were keern no Brugge. ’t College breidde olgauwe uut en d’r wierd beslist van e kerke te bouwn.

Den bouw[bewerkn | brontekst bewerken]

In 1619 (1619-1643) begostn ze met den bouw van de barokke kerke van ’t klooster van de Jezuïtn, g’inspireerd ip de Gesùkerke van Rome. Den architect was de Bruggelink broeder Pieter Huyssens, die ôok de plangs têkende vo de O.L.V.-Sint-Pieterskerke in Gent, de St.-Carolus-Borromeuskerke in Antwerpn en de Saint-Loupkerke in Noamn. De Brugsche Jezuïtekerke was d’eeste kerke die gewyd was an Franciscus Xaverius, de patrôonillign van de Jezuïtn. Zyn bild stoat an de vôorgevel boovn ’t portoal. ’t Was de bedoelienge dan de kerkn van Brugge en Noamn een torre zoun krygn lik de torre van de kerke van Antwerpn, mo dat is nie deuregegoan deur geldgebrek.

De kerke[bewerkn | brontekst bewerken]

’t Kerkgebouw is e goe voorbeeld van zuvere, sobere barok en eet ’n ipvollende êeneid van styl, in teegnstellienge me d’andere kerkn, die uut e miengelienge van styln bestoan. Romoansche kerkn zyn olsan gotisch verbouwd me soms renaissanceveisters, en e barokinterieur met ôok nog soms neo-gotische elementn.

Boovn ’t marmern altoar uut 1643 angt ’t schilderye De Verrijzenis van Christus. ’t Is een classicistisch werk van de Bruggelink Jozef Suvée. De prikstoel uut 1667-1669 is e mêesterwerk van de Antwerpsche kunstenoare Artus Quellinus de Joungern, de communiebankn uut 1695 zyn deur Frans Hendrik Verbruggen gemakt en d’orgelkasse dateert uut 1763.

’t Gebouw eet ôok e perfectn akoestiek en d’r wordn veel concertn gegeevn, o.a. in ’t kader van ’t Festivol van Vloandern.

Erfgoed[bewerkn | brontekst bewerken]

Zied ook noa[bewerkn | brontekst bewerken]

Wikimedia Commons