Sperwer

Van Wikipedia

De sperwer (Accipiter nisus) (of e spurrewoane in 't Ostêns) es nen rôofveugel van de familie van de oavikachtign. 't Es êen van de klêendere van zyn sôorte.

Uutzicht[bewerkn | brontekst bewerken]

De sperwer es nen klêen oavik, et vrouwtje koomt oungeveer 37 cm grôot, et manneke 28 cm. Z'ein een vrêe typische têkenienge ip uddern buuk: bruun-zwarte streepn ofgewisseld mè witte streepn.

Verspreidienge[bewerkn | brontekst bewerken]

De veugel koomt vôorn in hêel Europa en es goe verspreid in oes streke en broedt byvôorbeeld in De Goavers. Ie komt vôorn in bossn, weidn, akkers, moar ôok in parkn en zelfs weunwykn.

Eetn[bewerkn | brontekst bewerken]

Vrouwtje van nen sperwer
Accipiter nisus
Accipiter nisus

De sperwer eet geirn klêne zangveugels. Ie joagt vôorol ip de uusmusse, de ringmusse, de koolmêze, de meireloare, de vienke en de sprêeuwe. Ie meugt ok en duvetje.

Leevnswyze[bewerkn | brontekst bewerken]

Ie makt zyn nestn liefst in noaldbôomn, ip een ôogte van 5 tot 15 meiter. In mei leggn ze 3 tot 7 eiers, die in 40 doagn uutgebroed weirdn deur de vrouwkes. Een moand achter de geboorte vliegn ze uut et nest, en't deurt ton nog 45 doagn vôor da ze ip udder zelvn keun joagn.