Suveestretje

't Suveestretje geziên in de richtienge van de Vismarkt

't Suveestretje (Jozef Suvéestraat) is een stroate in Brugge.

Beschryvienge

Langs 't klooster van de poaters franciscoanen of 'Freren', liêp't er een stretje dat de name Clêen Frerestretje of Recollettestroate droeg. Os olle erinneriengen an't klooster woaren weggevaagd deur d'ofbrake in't begun van de negentienste êeuwe, kwaam 't stadsbesteur ip 't gedacht voer êen van de vorname mensen die in 't stad was geboren en der geleefd aad, met e stroatename t' erinneren.

Jozef Suvée (1743-1807) aad de reputoasje van zyn gebôortestad êere angedoan en was êen van de mêest prominente kunstschilders van 't Franse keizerryk geworden. 't Was em die in 1771 de "Prix de Rome" gewonnen aad voa de neuze van Jacques-Louis David. Je wierd, ip 't ende van zyn leven, den êesten directur van d'École française' die in de Villa Medici in Rome wierd g'opend.

In Brugge volgd'n ze zyn activiteiten en hiêlden ze zyn name ooge in êere. Voer em deed 't stad voe den êeste keer e stroatename weg. 't 'Clêen Frerestretje' was wel gin stroate die vil prestige uutstroalde, moa ze lag in ertje Brugge, en wierd dorom geschikt bevoenden voe Suvéestraat te worden genoemd. Pas vele loater giengen ze duudelik specifiëren over wiên da't gienk deur der Jozef Suvéestraat van te maken. De Bruggeliengen spreken toet den dag van vandage nog overwegend over " 't Suveestretje".

De stroate lopt van de Braambergstroate no 't Park.

Lekteure

• Albert SCHOUTEET, De straatnamen van Brugge, Brugge, 1977, ISBN 9789062675036.

Ofbeeldiengn die ier by passn ku je vien in de categorie Jozef Suvéestraat (Brugge) van Wikimedia Commons.