Yzer (riviere)

Van Wikipedia
Ga naar: Begunplekkn, zoeken
Yzer in Roesbrugge
Spoarbekken in Sint-Joris, Nieuwpôort
Oavngeule van d'Yzermoundienge in Nieuwpôort

Den Yzer is e riviere in West-Vloandern en in Frans-Vloandern. 't Es êen van de drie strôomn in België die in zêe uutmoundn (d'and're twêe zyn de Schelde en de Moas) en 't es de êenigste strôome die in de Vlamsche Kust uutmoundt me da d'and're ulder moundienge in Olland ligt.

Den Yzer begunt in Vrankryk ten westn van Kassel en et officiël twêe broun'n, êen in Buusscheure en êen in Lederzele. J'es 78 kilomèiters lank en doavan lôopn der 45 deur West-Vloandern (e komt de provinsje binn in Roesbrugge). Den Yzer lôopt ounder andre deur Diksmude en komt uut in de Nôordzêe in Nieuwpôort.

J'et e belangryke rolle gespeeld in den Êeste Weireldoorloge. De Duutschers wern gestopt in under ipmars omda de valleie van 'n Yzer ounder woater was gezet deur Karel Cogge. Den Yzertôorn in Diksmude erinnert an de rolle van de Yzer beist 'n oorloge.

De noame Bachtn de Kupe, verwyst noa de valleie va 'n Yser (de kupe). Bachtn de Kupe is dus olles da bachtn den Yser ligt (gezien van buutn de Westoek).