Zêesterre

Van Wikipedia
Ga naar: Begunplekkn, zoeken

De zêesterre of zeisterre (Asteroidea) es een klasse van de stekkervelbêestn (Echinodermata).

Uutzicht[bewerkn | brontekst bewerken]

De zêesterre es een zêebêeste, die mêestal uut 5 oarms bestoat moa d'r zyn d'r ook die d'r veel mêer en. De klêenste sôorte wordt moa 1 cm grôot en de grotste zêesterre kan 1 m wordn met een oarmlengte van 45 cm. Et eit een kleur da varieert van geel over oranje tot rôod, moar ook pupere, blauwe en groene sôorten bestoan. Ze zyn plat en stervormig en ip udder oarms stoan der stekkers. An de ounderkant van de oarms stoan der zuugnappn. De mound zit vanounder in 't middn, en sluut direct an ip de moage. De geweune zêesterre stulpt een dêel van de moage noa buutn en drukt 't teegn de prooi. Ton moakn uutgescheidn enzymen 't eetn vloeiboar. Zêesterren oasemen deur uutstulpingen in under vel en de voetjes.

De Zêesterre leeft ounder woater en goat vôoruut me zyn klêne voetn me zuugnappn. Et gebruukt die zuugnappn ôok om schelpdiern, gelik mossels en klêne slekken t'oopnen.

't Regeneroatievermeugen van een zêesterre is styf grôot. Wannêer dat er êen van de oarms beschoadigd wordt of verloren goat groeit er een nieuw gedêelte an.

Verspreidienge[bewerkn | brontekst bewerken]

D'r bestoan ca. 1800 soortn over hêel de weireld, surtout langs de rotskustn. Ge keunt de zêesterre vindn ip de ground van de zêe en ip zêedykn, in de Nôord-, Middellansche- en Ôostzêe en in ol d'andere zêen.
De stekkervelbêestn bestoan ol 590 miljoen joar, moar van de ôorsprounkelik 30.000 sôortn schietn der moar een 6000-tal over.

Vôortplantienge[bewerkn | brontekst bewerken]

In et vôor-en noajoar verspreidn de zêesterrn sperma en eicelln in 't woater. 't Vrouwke makt 2 miljoen eikes in een eure an. Uut de eiers koomn der larvn, die udder loatn meedryvn me het planktong. Achter drie weekn goan ze no de zêebodem.

Varia[bewerkn | brontekst bewerken]

Verwar'te bêeste nie me Gebruker:Zeisterre, ne Sysop ip deze wikipedia.

Wikimedia Commons