Boai
Nen boai (Nederlands: trui) es een klêdiengstik da je droagt ip uw boovnlichaam. Mêestol droag je'em boovn een imde, nen t-shirt of bloeze. Ze zyn gemakt va katoen, sjette, of synthetischn vezel.
In de vélokoerse, vôorol in de grôte roundes eit nen boaj een specioale betêkenisse: in de Rounde van Vrankryk eit de leider nen geeln boai an byvôorbeeld, in de Rounde van Itoalje nen roazn.