Bomkapelleke
- Dit artikel es geschreevn in 't Ardoois, en da zou best ozô bluuvn.
't Bomkapelleke is een kapelleke in de Kapellestroate in Kôoskemp.
Geschiedenisse
[bewerkn | brontekst bewerken]De kapelle hè gebouwd gewist in 1913 deur de familie Declercq omda ze zo blie woarn da underne odste zeune zyne dienstplicht nie moest doen. Bistn Twiddn Weireldoorlog, ip 20 juni 1944 zoatn der 72 minsn in en rond de kapel te biddn en te skuln omda Kôoskemp ton wer gebombardeerd deur de Deutsers. Twoalf bommnwerpers smeetn rond de 500 bommn ip Kôoskemp. Êen doavan viel ip de boane vô de kapelle ip moa ne mêtre van de persoann die doa zoatn. De bomme ontplofte gelukkeluk nie, moa skeurde oopn. Der vieln gin doa of gewondn wa wer gezien as een miroakle. De kapelle at doavoarn de noame Heilig Hartkapel.
In de kapel hangt de oopngeskeurde bomme en een plakoat met n' utleg van de gebeurtenisse. Der angt ôok ne foto en een noamnlyste van de 72 overleevdn van 't bombardement. Ip de stroate vô de kapelle stoat de plekke woa dat de bomme viel angetêkend.
Erdenkinge
[bewerkn | brontekst bewerken]Joarliks weird ip 20 juni nog ne klêne bedevoart g'organiseerd van de parochiekerke noa 't kapelleke.
