Cannibal Corpse
Cannibal Corpse is nen Amerikoansn Deathmetalband, upgericht in 1988. Cannibal Corpse is erkenboar an de agressieve maniere va gitare, bas en drum speeln.
De vocals (grunt) zyn styf lêge, voorol dedee va Chris Barnes. Ook erkenboar an de band zyn de songtekstn die goan over môord, horror, martelieng, verminkieng...
De tekstn zyn zô erg da sommigte albums nie meugn gespeeld wordn in oender andere Duutsland. In vele andere Europese landn meugt da wel. De grofheid ku j' ol zien an de titels van euder nummers, lik byvoorbeeld: a Skull Full Of Maggots, Butchered at Birth, Hammer Smashed Face, I Will Kill You, Meat Hook Sodomy...
Andere kenmerkn zyn de albumhoezn, woavan sommigte zô erg zyn da ze in sommigte landn verboodn zyn. E goe voorbeeld is de albumhoeze va Butchered at Birth woada e moedre deur ne zombie wordt vermôord en 'n andern eur kiend vastehoudt. Loater en ze de mêeste albums in gecensureerde versie utgebrocht zô da ze toch in de mêeste landn verkocht mochtn wordn. De albumhoezn zyn gemakt deur kunstenoare Vincent Locke.
In 1994 et Cannibal Corpse voorgekommn in de Jim Carey-Filme Ace Ventura: Pet Detective. In die filme speelt de band et nummre Hammer Smashed Face van et album Tomb Of The Mutilated.
Chris Barnes is binst de upnames van et album Vile ut de band gezet. Ie speelt nu in de band Six Feet Under en et ook nen album gemakt mi Torture Killer. Ie werd vervangn deur George "Corpsegrinder" Fisher die kwam van de deathmetalband Monstrosity
Trivia
[bewerkn | brontekst bewerken]- Jim Carrey's favoriete band is Cannibal Corpse, doarom wilnde da ze e byrolle kreegn in z'n filme Ace Ventura: Pet Detective.
- De band et ruum 1 miljoen exemploarn verkocht van euder albums, zoender etwoasn airplay te krygn.
Discografie
[bewerkn | brontekst bewerken]- 1989 Cannibal Corpse (demo)
- 1990 Eaten Back to Life
- 1991 Butchered at Birth
- 1992 Tomb of the Mutilated
- 1993 Hammer Smashed Face (EP)
- 1994 The Bleeding
- 1996 Vile
- 1998 Gallery of Suicide
- 1999 Bloodthirst
- 2000 Live Cannibalism
- 2002 Gore Obsessed
- 2003 Worm Infested
- 2003 15 Year Killing Spree
- 2004 The Wretched Spawn
- 2006 Kill
- 2009 Evisceration Plague
- 2012 Torture
- 2014 A Skeletal Domain
- 2017 Red Before Black
- 2021 Violence Unimagined
bandleedn
[bewerkn | brontekst bewerken]Ex-bandleedn
[bewerkn | brontekst bewerken]- Jeremy Turner
- Jack Owen
- Chris Barnes
- Bob Rusay
Externe lienk
[bewerkn | brontekst bewerken]
|
Ofbeeldiengn die ier by passn ku je vien in de categorie Cannibal Corpse van Wikimedia Commons. |