Huuszwoaluwe
| Huuszwoaluwe | |||||||||||
|---|---|---|---|---|---|---|---|---|---|---|---|
 | |||||||||||
| Taxonomische indêlienge | |||||||||||
| |||||||||||
| Sôorte | |||||||||||
| Delichon urbicum Linnaeus, 1758 |
Den uuszwoaluwe, zwolme of zwoomtje (Delichon urbicum) es nen veugel van de familie van de zangveugels.
Uutzicht
[bewerkn | brontekst bewerken]Den uuszwoaluwe es zwart va kleur, me ne wittn buuk en kele. Zyne steirt es veel minder diepe gevorkt dan by de boerezwoaluwe. Ie komt tot 15 cm grôot. O je ze zie vliegn zyn't lik acroboatn: ze droainen en kêern da'd et nen lieve lust es. Da doen ze voo insektn te pakkn.
Verspreidienge
[bewerkn | brontekst bewerken]Den uuszwoaluwe koomt noar oes streekn in de zomer en goat noar Afrika in de winter. Ze kêern olsan were noa de plekke woar da ze geboorn en getoogn zyn. Ze moakn nestn ounder uutsteeknde diengn lik dakgootn of bruggn. Udder nest es gemakt van moze, klyte en lêem en angt lik nen omgekêerdn bol ounder de overkappienge, me boovnan een klêen gat.
Leevnswyze
[bewerkn | brontekst bewerken]Ieder joare legt et vrouwke twêe tot drie kêers eiers van oungeveer 5 eiers per kêe. De eiers zyn glanzend wit. 't Deurt 3 weekn vôor da de eiers uutgebroed zyn deur 't manneke en 't vrouwke. Doarachter bluuvn de joungn nog 3 weekn in 't nest. De twêe ouders geevn eetn, en vangn doarbie tot 9 000 insektn per dag.
In de herfst, in september koomn olle jounge veugels tôpe om noar Africa te vertrekkn. Z'ein doar 5 à 6 weekn vôorn nôdig. O de ouders nog eiers uut te broedn ein, koomn ze loater achter, in oktober. In't vôorjoar koomn ze ton were, moar in klêendere bendekes.
|
Ofbeeldiengn die ier by passn ku je vien in de categorie Delichon urbicum van Wikimedia Commons. |