Dendermonde

Ligginge binn 't arroundissement Dendermonde in de provinsje Ôost-Vloandern.

Dendermonde (dialect: Deiremonne) is e stee en gemêente in Ôost-Vloandern. Dendermonde ligt an de riviere de Dender, e zystrôom van de Schelde. 't Is d' hoofdplekke van 't arroundissement Dendermonde. 't Weunn 47.000 menschn. De burgemêestre is Leen Dierick (CD&V). De stee Dendermonde ligt oalverre oalfwege Gent en Mecheln. Dendermonde grenst in 't westn an Wichelen, in 't zuudn an Gyzegem (Aalst) en in 't nôordn an Hamme.

In 1835 goungn d' êeste tringlynn va Mecheln na Brussel, Antwerpn en Dendermonde. Wie Dendermonde zegt, peist direct ôok an 't Ros Beiaard.

Dêelgemêentn

#	Noame	Ippervlakte (km²)	Bevolkinge (2021)	Inweuners per km²
I	Dendermonde	8,20	9.527	1.162
II	Appels	3,87	2.843	735
III	Baasrode	8,23	6.387	776
IV	Grembergen	9,92	7.216	727
V	Mespeloare	1,98	544	275
VI	Oudegem	7,25	4.109	567
VII	Schoonoarde	5,64	2.441	433
VIII	Sint-Gillis-Dendermonde	10,59	12.882	1.216

Beziensweirdigeedn

Relikwie uut de Onze-Lieve-Vrouwekerke, meesterwerk van edelsmeedkunst ingeleid mi safieren (ca 1220-1230)

• Grôte Markt mi 't stadhuus
• Archeologisch museum up de Grôte Markt.
• De Onze-Lieve-Vrouwekerk mi 2 schilderys va Antoon van Dyck.
• Begynhof.
• Brusselpôorte
• Zwijvekemuseum
• Beeldhouwerk "Samenvloeiing van Dender en Schelde" van Paul De Visscher
• Skeepvaartmuseum (in Baasrode)
• Jazz Centrum Vloandern

G'et ton wok nog standbeeldn in Dendermonde lik pater De Smedt, Prudens Van Duyse en de schilder baron Franz Courtens.

Ofbeeldiengn die ier by passn ku je vien in de categorie Dendermonde van Wikimedia Commons.