Deux-Sèvres

Deux-Sèvres (79)

Liggienge binn'n Vrankryk
Regio	Nouvelle-Aquitaine
Hoofdstad (Préfecture)	Niort
Sous-préfectures	Bressuire Parthenay
Ippervlak	5999 km²
Inweuners Bevolkiengsdichtheid	374.743 (2016) 62 inw./km²
Arrondissementn	3
Kantongs	17
Gemêentes	256
{{{foto}}} {{{byschrift}}}

Deux-Sèvres (79) es 'n departement in de regio Nouvelle-Aquitaine in't westn van Vrankryk. De noame komt van twêe riviern die deur 't gebied strôom'n, de Sèvre Niortaise en de Sèvre Nantaise. Inweuners van Deux-Sèvres wordn Deux-Sévriens genoemd.

Geschiedenisse

't Departement Deux-Sèvres es één van de 83 departementn die gecreëerd zyn binst de Fransche Revoluusje, de vierde moarte 1790. 't Groundgebied dervan bestoat vo 't grôotste stik uut de vroegere provinsje Poitou.

Tout 2016 wos't departement ounderdêel van de regio Poitou-Charentes.

Geografie

Deux-Sèvres grenst an de Fransche departementn Maine-et-Loire in't nôord'n, Vienne in't ôostn, Charente en Charente-Maritime in't zuud'n en an de Vendée in't westn.

't Departement bestoat uut drie arroundissementn (Niort, Bressuire en Parthenay) en et 17 kantongs en 256 gemêentn. Deux-Sèvres es vrêe landelyk en der zyn eigntlyk gin grôote stee'n. De grotste gemêent'n noar inweunertal zyn Niort, Bressuire, Parthenay, Thouars en Mauléon.

O de zuudwestkantn van't departement ligt ôok e gedêelte van't Regionoal nateurpark van't Marais Poitevin, e moerasgebied da vo't grotste stik in de Vendée ligt.

Externe koppelienge

Ofbeeldiengn die ier by passn ku je vien in de categorie Deux-Sèvres van Wikimedia Commons.