Grôte Hongoarsche Lêegvlakte
De Grôte Hongoarsche Lêegvlakte (Hongoars: Alföld of Nagy Alföld) is e grôte vlakte die ligt in 't zuudelyk en ôostelyk dêel van Hongareye, 't zuudn van Slovakeye, 't westn van Roemenië, 't nôordn van Kroatië en Servië, en 't zuudwestn van Oekraïne (Transkarpatië). 't Hongoars dêel is verreweg 't grotste, 52.000 km², oengeveer 56% van de totoale ippervlakte van 93.030 km², vandoar ook de noame.
De grenzn zyn de Karpoatn in 't nôordn en 't ôostn, de Transdanubische bergn en de Dinarische Alpn in 't zuudwestn, en ruwweg de riviere de Sava in 't zuudn.
't Is 't grotste dêel van de Pannonische vlakte. 't Gebied bestoend toet verre in de 19ste êeuwe uut grasland en moeras en wierd surtout vo de veetêelt gebruukt. De belangrykste riviere in 't gebied is de Tisza.
-
Nationaal park Hortobágy mè Racka schoapn -
Hortobágy Poesta -
Rustplekke vo vee in de Bugacpoesta
|
Ofbeeldiengn die ier by passn ku je vien in de categorie Great Hungarian Plain van Wikimedia Commons. |