Eulebeke
- Dit artikel es geschreevn in 't Kortryks, en da zou best ozô bluuvn.
D' Eulebeke of kortweg d'Eule (Nederlands: Heulebeek) es e beke, die glyk de Mandel ne zyrivier es van de Leie. Ze lopt grofweg van 't westn noa 't ôostn. Ze ontspring 'n t woaverst in Beseloare en komt uut in de Leie in Kuurne.
De oorsprong van de noame es nie hêel duudelik. D'êne zeggn dat z'azoa nomt omda ze 't langst over 't grondgebied van Eule lopt (aloewel da ze die ne noame ol vee langer eit van vôorn dat der geklapt weird van grondgebiedn), andre zeggn dat e verbasterienge es van geul of geule, de greppe woarin e beke lopt (en 't dorpken Eule zou ton de noame van de beke gèd ein).
Sedert de joarn '70 stonk d'Eule serieus (vooral in de zommer), moa 't es sedert de joarn '90 serieus gebetert. Sinds begin de joarn 2000 stoat er ôok e woaterzuveriengsinstalloatie in Gullegem (vlakby den R8) en doen ze an natuurontwikkeling langs d'Eulebôordn in Bergeln.
D'Eule durft wel e ki overstroomn: 't es ton olsan garantie prys ip 't Lagaepling, an de parking tegenover Lecot's en in 't park in Eule.