Intespugers
| Intespugers | |||||||
|---|---|---|---|---|---|---|---|
 Intespugers | |||||||
| Taxonomische indêlienge | |||||||
| |||||||
| Orde | |||||||
| Sepiida Zittel, 1895 |
Intespugers of sepia's (Sepiida) zyn 'n orde van intevissn of koppootign (Cephalopoda). E bekende soorte is de geweunn intespuger (Sepia officinalis).
Intespugers hèn e kort, breed lyf met acht korte oarms en twêe veel langere tentoakels. Z' hèn gêen beenders, moar e platte inwendige schelpe, zeeschuum genoamd, die in de zomer vele anspoelt ip 't strange an de Vlamsche kust.
Sepia's kunn hunder styf goed camoufleern. Z' hèn pigmentcelln in hunder vel, woamee dan ze van kleur kunn verandern. Ze kunn ook de vorm van hunder vel verandern deur stekkers en tentoakels te vormn. De sifong is 'n orgoan die dient vor hunder voort te beweegn. Doamee wordt 't woater ipgezoogn in de mantelholte en met e krachtige stroale noa buutn gespootn. On z' hunder bedreygd foeln, speytn z' e zwarte vloeistoffe, vandoar de noame intespugers.
Intespugers vangn hunder prooie met hunder vangtentoakels en bytn 't deure met e snoavelvormige bek die tusschn hunder oarms ligt. Ze joagn surtout by nachte ip krabbn en geirnoars, moar ook ip vissn. De vintjes wordn nie ouder of 2 toet 3 joar. 't Wuuvetje leeft moar één joar.
Families
[bewerkn | brontekst bewerken]- Sepiadariidae
- Sepiidae, woaroender Sepia officinalis (de geweunn intespuger)
- Sepiolidae
-
Sepioloidea lineolata (Sepiadariidae) -
Sepia apama (Sepiidae) -
Sepiola atlantica (Sepiolidae)
Sepia is ook de noame van e kleurstoffe die gewonn wordt uut 't vel van de beeste.
|
Ofbeeldiengn die ier by passn ku je vien in de categorie Sepiida van Wikimedia Commons. |