Irénée Duriez
Irénée Duriez (Ichtegem, 14 meie 1950) is e West-Vlamschn beeldhouwer.
Irénée Duriez boetseert en têkent sedert joarn sierlikke vrouwelikke figeurn. Je makt klassieke, realistische beeldn in was die ton in brons gegootn wordn (verloren-was-techniek). Zyn torso's zyn krachtig en vul dynamiek, moar ook gevoelig en suggestief. In 't begun het 'n gewerkt met hout, terracotta en stêen, moar uutendelik kwamt 'n by brons terechte.
J'het ook nog bijous ountworpn in brons en zilver.
Carrière
[bewerkn | brontekst bewerken]Zyn interesse vo beeldn en beeldhouwwerk begost al van ost 'n nog styf jounk was. Ost 'n dertien joar oud was stound 'n al te kervn in e stik hout vo d'r e beeld uut t'hoaln. Rond z'n 14-15 joar begost 'n te boetseern in klyte en e joar loater me witstêen en arduun. J'is toet an zyn vêertiene noa schole gewist en je most ton temmerman wordn van zyn voader, by wien dat 'n toet an zyn 34 joar gewerkt het.
Ondertusschn het 'n hem bluuvn bekwoamn. Je krêeg hulpe van Yves Rhavé by wien dat 'n privé-lessn volgdege van 1968-1970. Je wierd ook gesteund deur Livia Canestraro en Stefaan Depuydt by wien dat 'n stage liep als lêercontract. Je volgde ook lessn als vrye lêerlienk an de Stedelikke Academie vo Schône Kunstn van Brugge by Willem van Aerden, beeldhouwer, têkenoare en lêroare boetseern en anatomie.
J’exposeert surtout in de kuststeedn van België en in Holland.
Den 14stn meie 2000 het 'n e Beeldentuin g'opend neffest zyn atelier De oude Melkerie in Ichtegem. Open atelier van 1 juli toet 31 augustus.
|
Ofbeeldiengn die ier by passn ku je vien in de categorie Irénée Duriez van Wikimedia Commons. |