Kangoeroes
| Kangoeroes | |||||||||||
|---|---|---|---|---|---|---|---|---|---|---|---|
 Kangoeroe met e joengsje | |||||||||||
| Taxonomische indêlienge | |||||||||||
| |||||||||||
| Familie | |||||||||||
| Macropodidae Gray, 1821 |
Kangoeroes (Macropodidae) zyn e familie van buudelbeestn (Marsupialia). De noame 'kangoeroe' wordt gebruukt vo de vier grotste soort'n, moa der bestoan nog e kêe 50 klindere soort'n lyk wallabies, boomkangoeroes, wallaroes en pademelongs. Ze leevn in Australië moa ze zyn ook te viendn in Nieuw-Guinea. D' Australiërs anzien de kangoeroe lik hunder nationaal symbool.
De noame Macropodidae wil zeggn "grootpootign", wat da verwyst noar hunder enorme achterpoot'n. Kangoeroes spriengn on z' under zeere willn verplatsn, en ze loop'n ip vier poot'n vo troage te goan. Ze kunn'n nie achteruut loop'n, moa ze kunn'n wel drie kêes zo verre spriengn of under eign lengte. Ze kunn'n ook zwemmn os 't noodig is. De kangoeroe is e plantneter. Z' eet'n gas, moa sommigte eet'n ook struuk'n.
Kangoeroes zyn buudelbeest'n omdan de wuvetjes under joengn droagn in e speciaal zaksje an hunder lyf.
Der bestoan vier soort'n 'echte' kangoeroes:
- De roste reuzekangoeroe (Macropus rufus), de grotste buudelbeeste ter weireld.
- De grysde reuzekangoeroe (Macropus giganteus)
- De westelik grysde reuzekangoeroe (Macropus fuliginosus), e bitje klinder
- D' antilopekangoeroe (Macropus antilopinus)
|
Ofbeeldiengn die ier by passn ku je vien in de categorie Macropodidae van Wikimedia Commons. |