Koukerke (Frans-Vloandern)

Koukerke Coudekerque-Village
Koukerke in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Koudekerke
Coördinoatn	🌍 50°59′42″N 2°25′02″O
Ippervlak	12,03 km²
Inweuners
Inweuners	1250 (2013)
Bevolkiengsdichtheid	104 inw./km²
Andere
Postcode	59380

Koukerke ofte Koudekerke (Frans: Coudekerque-Village, Nederlands: Koudekerke of Koudekerke-Dorp) es e plekke en vroegere gemêente in Vrankryk in't Noorderdepartement. 't Ligt in Frans-Vloandern in't Blootland. Oloewel da Koukerke dichte by Duunkerke ligt, es't wel nog redelyk landelyk en groen van uutzichte.

Ip 1 januoari 2016 wos Koukerke gêen zelfstandige gemêente niemêe me da deur e reke van gemêentefuuzjes in Vrankryk de gemêentn Tetegem en Koukerke wierdn tôopegesmeetn. De nieuwe fuuzjegemêente kreeg de noame Tetegem-Koukerke me 't vroegere Tetegem en Koukerke lyk dêelgemêentes (communes déléguées).

Geschiedenisse

Koukerke es gesticht gewist tusschn 1022 en 1067 me de bouw van en êeste kerke geweyd an Sent-Michel ounder 't bewind van Groaf van Vloandern Boudewyn V. Dervoorn lag et grôotste stik van 't groundgebied ounder woatr. In 1067, komt de noame van de gemêente vo nen êestn kêe vôorn in de koartn en de beschryviengn van de kasselry Bergn.

En gedêelte van de groundgebied wierd in 1789 losgekoppeld van Koukerke en vormde ezo de nieuwe gemêente Nieuw-Koukerke.

Ip 3 oktober 2008, wierd beslist van de noame van de plekke t'ernoemn van Coudekerque na Coudekerque-Village.

't Oud stadhuus van Koukerke

De kerke van Koukerke

Ofbeeldiengn die ier by passn ku je vien in de categorie Coudekerque-Village van Wikimedia Commons.