Lodewijk de Deyster

Van Wikipedia
(deureverweezn van Louis de Deyster)
Lodewyk De Deyster

Lodewyk de Deyster of Louis de Deyster (Brugge?, round 1656-1660 - Brugge, 18 december 1711) was een Vlamschn kunstschilder, etser en bouwer van muziekinstrumentn.

Lôopboane[bewerkn | brontekst bewerken]

De Deyster giengt in de lêre by Jan Maes. T' hope met schilder Antoon van den Eeckhoutte, mè wiens zyn zuster Dorothea dat je loater zou trouwn, trokt je noar Itoalië. Up 4 moarte 1688 wierd je een vrymêester en t' hope met een talent vô schildern, têkenn, etsn en muziek kwaamt j' ook an de kost deur mè zyn vrouwe een stoffewienkel t' houdn.

Neffest een antol portrettn schilderde tje vôrol godsdienstige taferêeln. Zyn style was barok, met invloedn van Italioansche mêesters gelik Giordano, Maratta en Barocci, en Vlamsche schilders gelik Rubens en Van Dijck.

Werk van hem is hoofzoakelik te viendn in kerkn en klôosters in Brugge, Kortryk, Gistel en Gent, en in 't Louvre in Parys.

De Deyster was ook een bouwer van klavecimbels, viooln en orgels. In 1707 kreegt je een updracht vo 't Jacob van Eynde-orgel in de Sint-Annakerke in Brugge te voltôoin. Je bouwdige ook orgels vo de kerke van Sinte-Kruus en vo de Bogardenkapelle.

Externe links[bewerkn | brontekst bewerken]

Wikimedia Commons