Mars (god)

Beeld van Mars an de Porte de Paris in Rysel

Mars wos de god van den orloge in de mythologie by de Romeinn. In de Grieksche mythologie noemdn z'hem Ares.

Mars wos de zeune van Jupiter en Juno. Vo de Romeinn was-t ie den belangrykste god achter Jupiter en z' anzoagn hem als de voader van den twêelienk Romulus en Remus, de stichters van Rome.

Êest was-t ie de god van de vruchtboarheid, moa loater smolt ie t'hope met de Grieksche god Ares en kwam-t ie de god van stryd, dôod en orloge.

Marssymbool

Mars is geweunlik ofgebeeld met e lanse of zweird en een helme en schild. 't Symbool van Mars, e cirkel met e pyle die noa boovn reks wyst, is ook 't symbool van 't mannelik geslacht.

De moand moarte en de planete Mars zyn noa de god Mars vernoemd.

Ofbeeldiengn die ier by passn ku je vien in de categorie Mars (deus) van Wikimedia Commons.