Mesolithicum
Et mesolithicum of den middnsteentyd es de periode tusschn et paleolithicum en neolithicum. Die periode begunt an ’t ende van den letstn ystyd, 12 à 10.000 joar geleen. Omda de landbouw em bitje mè ne kee over Europa verspreidde, endigt et mesoliticum nie overal up 't zelste moment.
Veranderiengn van klimoat
[bewerkn | brontekst bewerken]Et mesolithicum begunt t'ope mè et holoceen, achter den letstn ystyd. 't Klimoat komt warmer, en in e periode van 5.000 joar smeltn de yskappn grootndeels of en stygt et niveau van de zeespegel mè meer of 40 mèter.
In nen toamelikkn kortn tyd kwom d'r in Europa en Noord-Amerika e gemoatigd klimoat.
Groavn van Thèviec - Museum van Toulouse
[bewerkn | brontekst bewerken]Groavn en skelettn, gevoundn ip 't eilandje Thèviec in Bretagne:
.jpg)
.jpg)
Veranderiengn van levensgewuntn
[bewerkn | brontekst bewerken]Deur die rappe upwarmienge stiervn verschillige beestesoortn lik den mammoet, den oolnbeir en de wuloarigen neusoorn an 't begun van et holoceen uut. De mienschn moestn dus noodgedwoungn zelve voor under teetn begunn te zorgn. Ze begostn an akkerbouw te doene en beestn te domestiqueern. ’t Woarn surtout de wuuvn die up de veldn vrochtnden binst da de vintn bleevn joagn en vo ’t vee zorgden.
Dienen overgank van joager-verzoameloare noa sedentair gebeurde geleidelik an. Da begoste mè klene groepn van mienschn die up dezelste plekke bleevn, juste lange genoeg voe ene kee te keunn zoain en t’oogstn. Me noemn datte seizoensdorpn. De mienschn pasten under goed an an die nieuwe omstandigeedn en de bevolkienge begoste te gruujn.
Voundstn bewyzn dat de bewerkiengstechniek van viersteen (silex) vodder verfynde noar klindere, scherpere schrepers en pylpuntn (microlietn). Da kwam omda silexsteen oe langer oe moelikker te vindn wos. Et gebruuk van pyl en boge gerakt meer en meer courant.
Mesolithicum lik apart tydvak?
[bewerkn | brontekst bewerken]Den term mesolithicum es minder en minder gebruukt. Weetnschappers anzien d’oudste periode van et mesolithicum lik e voortzettienge van et paleolithicum. En de vernieuwiengn an ’t ende van et mesolithicum (sedentaire mienschn die an landbouw en veeteelt begunn te doene) lik et begun van et neolithicum.