Nunavut

Dat artikel es geschreevn in 't Noordelik West-Vlams.

---

Liggienge van Nunavut in Canada

Vierienge ter êre van d' iprichtienge van Nunavut in april 1999

Nunavut (Inuktitut: ᓄᓇᕗᑦ ) is 't grotste en nôordelikste territorium van Canada. 't Wierd ip 1 april 1999 officieel ofgesplitst van de Northwest Territories, via de Nunavut Act en de Nunavut Land Claims Agreement Act, die 't gebied an de Inuit (d' Eskimo's van Canada) toeweezn vor oenofhankelik bestier. De grenzn woarn al getrokkn in 1993. Den hoofdstad van 't territorium is Iqaluit.

• 
  Vlagge van Nunavut
• 
  Woapnschild

Nunavut omvat e grôot dêel van Nôord-Canada en 't grotste dêel van de Canadeesche Arctischn Archipel. Deur zyn uutgestrekt groendgebied is't 't vuufde grotste landsdêel ter weireld, en 't grotste van Nôord-Amerika achter Groenland. Nunavut omvat ook Ellesmere-eiland in 't uterste nôordn, d' ôostelike en zudelike dêeln van Victoria-eiland in 't westn, en al d' eilandn in de boain Hudson, James en Ungava, inclusief 't Akimiski-eiland verre in 't zuudôostn van de reste van 't gebied.

Nunavut is 't minst bevolkt van de provinsjes en territoria van Canada. Der leevn roend de 39.600 inweuners, die vornoamelik bestoan uut Inuit. De bevolkienge besloat e landippervlak van 1.877.787 km². De nôordelikste permanent beweunde plekke ter weireld, Alert, ligt in Nunavut.

Iqaluit, hoofdstad van Nunavut

Ofbeeldiengn die ier by passn ku je vien in de categorie Nunavut van Wikimedia Commons.