Oudnoors

Dat artikel es geschreevn in 't Kustwestvlams.

---

Verspreidienge van 't Oudnoors en andere Germoansche toaln roend 900. ██ Oudwestnoors ██ Oudôostnoors ██ Oudgutnisch ██ Oudiengels ██ Krim-Gotisch ██ Andere Germoansche toaln, o.a. Oudsaksisch, Oudfries en Oudfrankisch

Oudnoors was de Nôord-Germoansche toale die in de Vikingtyd geklapt wierd, vanof d' 8e êeuwe toet omtrent 't joar 1350, deur d' inweuners van de Scandinavische landn, inclusief Ysland, Groenland, Shetland, Faeröereilandn en andere eilandn in 't westelyk zêegebied. De vôorloper van 't Oudnoors is 't Oernoors. D' Oernoorsche periode wordt gerekend toet roend 't joar 700.

't Oudnoors wordt oenderverdêeld in Oudwestnoors en Oudôostnoors. Uut 't Oudwestnoors zyn 't Yslands, Faeröers en Noors van nu oentstoan en uut 't Oudôostnoors 't Deens en 't Zweeds.

Veele van de belangrykste middelêeuwsche literaire werkn van Ysland en Scandinavië (lyk de Edda's en saga's) zyn in 't Oudnoors geschreevn, ook de Scandinavische runetêekns uut dezelfste periode. Oudnoors wierd dus zowel in Latyns schrift geschreevn of in runeschrift.

Ofbeeldiengn die ier by passn ku je vien in de categorie Old Norse manuscripts van Wikimedia Commons.