Olifantn

Van Wikipedia
(deureverweezn van Olifant)

Olifantn zyn grôte zoogbêestn uut de familie van de Elephantidae in de orde van de slurfbêestn (Proboscidea). Der zyn twêe sôortn erkend: den Afrikoanschn olifant (Loxodonta africana) en den Aziatischn olifant (Elephas maximus). Afrikoansche olifantn kunn nog ingedêeld wordn in twêe aparte sôortn, de savanneolifant (Loxodonta africana) en de busolifant (Loxodonta cyclotis).

Olifantn komn verspreid vôorn in Afrika te zuudn van de Sahara en in 't zuudn en zuudôostn van Azië. 't Zyn d' ênigste nog leevnde slurfbêestn. Andere sôortn lyk de mammoets en de mastodontn zyn uutgestorvn.

't Zyn ook de grotste landbêestn die nog in leevn zyn. Afrikoansche olifantn kunn 4 m hoge komn en 7000 kilo weegn. Z'en e dêel specifieke kenmerkn, lyk e Proboscis of slurf die o.a. gebruukt wordt vo vôorwerpn vaste te pakn. Under snytandn groein uut toet slagtandn woamee dan ze diengn kunn verplatsn, kunn groavn en vichtn. Under grôte ôorflapn wordn gebruukt vo de temperateure van 't lichoam ip peil t' houdn. Afrikoansche olifantn en groddere ôorn en e holle rik. Aziatische olifantn en kleindere ôorn en e bolle of rechte rik.

Vo 't ivoor van under slagtandn wordt er styf vele ip olifantn gejoagd deur stropers.

Wikimedia Commons