Philippe II van Vrankryk

Philippe II, bygenoamd Augustus (Frans: Auguste), van 't Huus Capet (Parys, 21 ogustus 1165 – Mantes-la-Jolie, 14 juli 1223), was keunienk van Vrankryk van 1180 tout 1223. Je was de zeune van keunienk Louis VII en zyn derde vrouwe Adele van Champagne.

Je krêeg zyn bynoame "Augustus" van de monnik Rigord, die verwees noa de Romeinsche keizers, achter dat ie in juli 1185 by 't verdrag van Boves de groafschappn Artesië, Valois, Amiens en e grôot stik van Vermandois by zyn krôondomein gevoegd haad. En ook omdat ie geboorn is in de moand ogustus.

Philippe Auguste was den êeste Frãnsche keunienk die hem, te begunn van 1190, Rex Franciæ « keunienk van Vrankryk » liet noemn. Zyn vôorgangers wierdn Rex Francorum, «keunienk van de Frankn» genoemd.

Vrouwn en jounges

1. Isabelle van Henegouwn, gravinne van Artesië, getrouwd in 1180, dochter van Boudewyn V van Henegouwn :
   1. Louis VIII, keunienk van Vrankryk
   2. Robert en
   3. Philippe, een twêelienk geboorn en gestorvn in 1190
2. Ingeborg van Denemarkn, getrouwd in 1193, dochter van keunienk Waldemar I van Denemarkn en zuster van Knut VI van Denemarkn (gin jounges)
3. Agnes van Meranië, getrouwd in 1196, dochter van Berthold IV van Meranië
   1. Marie, trouwde in 1206 me Philippe I, groaf van Noamn, en hertrouwde in 1213 met Hendrik I, hertog van Broabant
   2. Philippe Hurepel, groaf van Clermont en Boulogne, trouwde me Mathilde van Dammartin
   3. Jean-Tristan (1201-1201)
4. Een vrouwe van Arras
   1. Pierre Charlot, bisschop van Noyon

Mêer ofbeeldiengn die ier by passn ku je vien ip Philip II of France ip Wikimedia Commons.