Rôozefamilie

Dat artikel es geschreevn in 't Kustwestvlams.

Rôozefamilie

Duunerôoze (Rosa pimpinellifolia)

Ryk:	Plantae (Plantn)
Ounderryk:	Embryophyta (Landplantn)
Clade:	Angiospermae (Blommeplantn)
Clade:	Eudicotyledoneae (Echte twêezoadlobbign, eudicotyln of eudicots)
Clade:	Rosidae (Rosids)
Orde:	Rosales

Familie

Rosaceae
Juss., 1789

De rôozefamilie (Rosaceae) is e familie van twêezoadlobbige blommeplantn in de orde Rosales mè 4.828 bekende sôortn, verdêeld over 91 geslachtn. De noame Rosaceae is ofgeleid van 't geslacht Rosa.

De familie komt weireldwyd vôorn moa surtout in de gemoatigde streekn van 't nôordelik halfroend. De geslachtn met de mêeste sôortn zyn Alchemilla (270), Sorbus (260), Crataegus (260), Cotoneaster (260), Rubus (250) en Prunus (200).

De familie bestoat zowel uut kruudachtige vaste plantn, struukn of boomn. Der zyn styf vele wilde sôortn, lik de lysterbeier, meidôorn, sleedôorn, vierdôorn, rôoze, broambeier, noagelkruud, ganzerik, pimpernelle, moar ook gecultiveerde sôortn lik eetboar fruut (appels, peirn, abrikoozn, pruumn, keizn, kriekn, pechen, framboozn, freizn en amandels).

Traditioneel wordt de familie oenderverdêeld in vier subfamilies Rosoideae, Spiraeoideae, Maloideae en Amygdaloideae.

Ofbeeldiengn die ier by passn ku je vien in de categorie Rosaceae van Wikimedia Commons.