Sinaï-schiereiland
't Sinaï-schiereiland, of kortweg Sinaï (Arabisch: سيناء Sīnā' ), is e schiereiland in Egypte en 't ênigste dêel van 't land die in Azië ligt. 't Vormt e landbrugge tusschn Azië en Afrika. De Sinaï hèt e landippervlak van oengeveer 60.000 km² (6 percent van de totoale ippervlakte van Egypte) en e bevolkienge van oengeveer 600.000 menschn.
De Sinaï is driehoekig van vorm en wordt begrensd deur de Middellandsche Zêe in 't nôord'n, de Gazastroke, Israël, en de Golve van Akaba in 't ôost'n, de Rôo Zêe in 't zuud'n, de Golve van Suez en 't Suezkanoal in 't west'n. 't Zudelikste punt is 't Nationaal park Ras Mohammed. Ip 't schiereiland ligt 't Sinaïgebergte.
De Sinaï is verboend'n mè 't Afrikoans continent deur de landengte van Suez, e brêe stroke land van 125 kilometer, met doarin 't Suezkanoal. 't Omvat twêe van de 29 gouvernement'n van Egypte: de Nôord-Sinaï en de Zuud-Sinaï.
De grotste stad van de Sinaï is El Arish, den hoofdstad van de Nôord-Sinaï, met oengeveer 160.000 inweuners. Andere plekk'n zyn Sharm el-Sheikh en El-Tor an de zuudkust. 't Binnland van de Sinaï is in feite woestyne, bergachtig en dinnebevolkt.
-
Sinaïberg -
Grenze van Egypte met Israël -
Sint-Katharinaklôoster in de Sinaï
|
Ofbeeldiengn die ier by passn ku je vien in de categorie Sinai Peninsula van Wikimedia Commons. |