Zwin

't Zwin is een ouden zeeoarm die in de middeleeuwn van de kust noa Bruhhe liep. 't Ligt nu ip 't grondgebied van de gemêente Knokke-Heist. 't Zwin verzandege en de (ton kljene) zilbootn kosten hoogstes nog na Damme voaren. Loater was zelfs da nie mi meuglik en moestn z'anlegn in Sluus. Napoleon trok ne voart van Bruhhe noa Sluus: de Zwinvoart - e stikske liep zelfs dwis deur Damme. In den omtrek van da kanoal lopt er nog een beke, 't Zwintjen, en da volgt 't oude tracee van 't Zwin voer e stik, wan 't Zwin ed 'em in de middeleeuwn ôok verschillende kjeern verleid. A't ard genoeg vriest, wordt er in de wienter de Zwinsteedntocht georganiseerd.