Homoseksualiteit

Blauw: Homoseksualiteit toegeloatn per wet, Oranje/brun: Homoseksualiteit verboodn per wet

Homoseksualiteit is e seksuele vôorkeure vo menschn van 't zelfste geslacht. (ὁμός homos is Grieks vo 'gelykig').

Nen homo, ofkortienge van homoseksueel, is ne vint die hem angetrokn voelt tot andre vintn. E vrouwe met e romantische of seksuele vôorkeure vor andere vrouwn wordt ook 'lesbisch' genoemd.

Seksuele vôorkeure vo 't ander geslacht wordt 'heteroseksualiteit' genoemd en antrekkienge toet de twi seksn 'biseksualiteit'. De noame 'holebi' wordt gebruukt vo homo, lesbisch of bi.

Der zyn omtrent vuve à tien percent homo's in de weireld. Vroegre zei'n ze da j' homo kost wordn, moa ondertussne weetn z'ol goed dat da ozô nie is, en da j' eigentlik ozô geboorn wordt.

In Belgje kunn homo's trouwn en kienders adopteern, moar in veel andre landn mag da nie. Ip de koarte zie je in 't blauw woa dat homo's meugn t'hopeweunn en/of trouwen en in 't oranje/rôod woa dan ze der kunn vo gestraft weirdn.