Schotland

Schotland is e vroeger keunienkryk. T'ope mi Iengeland, Nôord-Ierland en Wales is 't de stoat Verênigd Keunienkryk. Schotland e wel een eigen vlagge, eigen geldbrieftjes, en een eigen besteur - moar op internationaal vlak speelt ollêne 't Verênigd Keunienkryk e rolle. In Schotland weun d'r mêer of 5,1 miljoen menschen.

Toale

Bykan ol de Schottn klappn Iengels. Toch klappn d'r ouk vele menschen e vorme van 't Lêegland-Schots, wuk dat eigentlik e verzoamelienge dialectn is. 't Is e Germoansche toale die familie is van 't Iengels, moa d'r toch styf van verschilt in wôordnschat en uutsproake. En om en by de 60.000 menschen, surtout dedie van de westelike eilann, klappn Schots Gaelic.

Grôte steedn

Een overzicht (mi tusschen aksjes 't inweunersantal) van de grotste steedn van Schotland: Aberdeen (220.000), Dundee (143.000), Edinburgh (448.000), Glasgow (578.000).

Bekende Schottn

• Sean Connery: acteur
• David Livingstone: ontdekkiengsreiziger
• Adam Smith: econoom en 'uutvinder' van de moderne economie
• David Coulthard, Formule 1-piloot

Typisch Schots

Schotland is bekend vo zyn whisky, 't monster van Loch Ness, haggis (de moage van e schoap, evuld mi vlêes), ze clans (families met e lange tradisje), Highland games, en klêderdracht (ventn droagn d'r soms e rok da ze kilt noemn) en doedelzakn.

Externe koppelienge

• Visit Scotland 'n Dienst van toerisme van Schotland.