Tyne Cot cemetery

Tinnekot wor styf goed oenderoeden

Tyne Cot of voluut Tyne Cot cemetery (en in 't dialect "Tinnekot") es 't 5de grotste Iengels militair kerkhof ter weireld en ligt in Passchendoale in de gemêente Zunnebeke. De noame es afgelied van de Tyne e rivierke middn Schotland en een stik koterie (een cottage in 't Ingels) dat doa stond en veroverd gewist es deur de 3rd Australian Division ip 4 oktober 1917.

Achter den ôorloge es 't in fasen uutgebreid deur klêindere kerkhov'n uut het geburte over te bringn. Nu liggn der 11952 soldoatn uut 't Ingelse Gemênebest (Canada, Nieuw-Zêeland, ...) en viere met 'n andre nationaliteit (woaroender ôok 'n poar Duutsers, under graf es t'herkenn' an de rechte bovekant, d'andre zyn ofgeroend). Meer dan 8300 doavan zyn nie geïdentificeerd. Ip de oaf cirkelvormigen wittn meur olachtern stoan de noamn van bykans 35000 soldaten die gesneuveld zyn rond Yper en woavan da ze de lichamen nooit in gevond'n (The Wall of the Missing).

Ip de Mêenpôorte in Yper stoan de namen van 55000 ander soldaten da ze nooit èn weregevond'n en omdat er plekke te kort was ip de Mêenpôorte stoan d'ander noamen ip de meur in Tyne Cot.

Nu zie je nog 2 bunkers stoan up Tinnekot moa eiglijk zyn dat er vuve. Vanachter es 't er ook e bezoekerscentrum.

Ofbeeldiengn

• 
  Enigte groavn in Tinnekot
• 
  Ook up Tinnekot vin je 't typische Iengels kruus