Jean-Pierre Coopman

Jean-Pierre Coopman (°Iengelmunstr, 11 juli 1942) wos e bokser by de zwoargewichtn.

Jeugd

Jean-Pierre Coopmans voader gink dôod toen da Jean-Pierre zeevn joar wos. Ze moeder gink goa werkn in de fabrieke en de joens moestn mèi-elpn op e boerdery. Loater wos Jean-Pierre stêenkapper.

Vroege carrière

• Coopman smôorde lik e ketter en e dèi ni vele a sport. Op ze 25ste (in 1967) begost 'n te boksen. Gilbert Monteyne, Belgs amateurkampioen by de zwoargewichtn, wos zyn êestn trainer.
• De weuge na de top kwam mè ze manager Karel De Jager. Vôorn da 'n 't goed e wel wist, stoeg Jean-Pierre in 1976 nummer 15 op de weireldranglyste. Op da moment zocht Muhammad Ali e gemakkelikkn tegenstander, want en ad juste zwoar evochtn tegen Joe Frazier.

Coopman tegen Ali

Iederêen lachte mè Coopman. De pers noemde nem De Leeuw van Vloandern, moa Ali zei ol lachend da Coopman a sweet little pussycat wos. D'n êeste kêe da Coopman en Ali makoar zaagn, vieln ze in mekoars armes.

De match wos op 20 februari 1976 in Puerto Rico. Ze deurde vuuf roenn (14' 46"). Coopman kwam t'r ni an te passe e wos zo slim om nem te loatn voalln in de plekke van nem te loatn ofslachtn in een rounde of tiene.

Loater

• Coopman verdiende vele geld mi ze match. E stak et in e café in Roeseloare (Taverne San Juan), moa da gink overkop.
• In tegenstellieng tout ander boksers die tegen Ali gevochtn addn, e Coopman loater nog schône dingn loatn zien. En is zefs nog Europees Kampioen gekomn in 1977.
• Coopman makt nu schilderyen en têkeniengn va boksers e kampn.

Iddern dag stoat 'n nog in de rieng.