Astrologie

Astrologie is e verzoamelnoame vo gedachtn over 't verband tusschen 't leevn van menschen en gebeurtenissn op d'eirde ênerzyds, en de stand van sterrn en planeetn anderzyds. Astrologie is gin weetnschap.

Oroscoop

De populairste vorme van astrologie is verzekers 'n oroscoop. Da goat uut van ’t têekn woarounder daj ebôorn zyt. Doaby kykt een astroloog na 'n dag en 't eure woarop da j'ebôorn zyt.

Uuzn in den oroscoop

Ofbeeldienge:Gandhi birthchart.gif

de 12 uuzn van nen oroscoop

Nen oroscoop weirdt vôorngesteld deur nen cirkel. Diene cirkel et 12 uuzen van élk 30 groan. Ieder uus é zen eige vertellienge:

• 't Eeste uus is Ram en voalt oender jezelve, der wordt ok ascendant tege gezeid. De planete die doa by oort is Mars. Daarvoe is je juste ure nodig om da uut te vinne.
• 't Twede uus is den Stier en voalt oender je geld da je verdient me werreke, je luxe, oe da je tege jezelven an kykt. De planete die doa by oort is Venus.
• 't Derde uus is Tweelinge, en voalt oender communicasie (zoas schryven, telefonere, internette, faxn), julder broers en zussen, de loagere schole, kleên reiskes. De planete die doa by oort is Mercurius.
• 't Vierde uus is Krefte, en voalt oender je thuus, je ma, je gevoelns, je voaderland, je jeugd, je eeste lief. 't Licht die doa by oort is de moane (de moane is gin planete volgens d'astrologie, moar een licht).
• 't Vufde uus is Leeuw, en voalt oender je kinders, je minnoars, gokkn, creatief zien. 't Licht dat doa by oort is de zunne (de zunne is gin planete volgend d'astrologie moar een licht).
• 't Zesde uus is Moagd, en valt oeder je werkn voe é boas, je gezoendheid, kleên grut. De planete die doa by oort is Mercurius.
• 't Zevenste uus is Weegschoale, en valt oender je partner, je collega's, je uutzoekn noa e goe avokoat, je contractn. De planete die doa by oort is Venus.
• 't Achte uus is Schorpioene, en valt oender al de geheimn, notoarissen, 't geld van e andr woa da je gy gebruuk van makt, oal da oender den groend is, erfenisse. De planete die doa by oort is Pluto.
• 't Negenste uus is Boogschutter, en valt oender de grote reizn, je intelligentie, je processn, je ogere schole. De planete die doa by oort is Jupiter.
• 't Tienste uus is Steenbok, en valt oender je prestige, je beroepskeuze, je zelfbeheersing, je voader, je ouvast. De planete die doa by oort is Saturnus.
• 't Elfste uus is Woaterman, en valt oeder je vriên, je wenschen en verwachtingn, menschen die je steunn. De planete die doa by oort is Uranus.
• 't Twoalfste uus is Vissn, en voalt oender al wa schemerig is, de klinike, 't occulte, je wegcyfrn, boête doén, wézenuuzen. De planete die doa by oort is Neptunus.