Poanbroek

Tagetes patula

Ryk:	Plantae (Plantn)
Ounderryk:	Embryophyta (Lanplantn)
Stamme:	Magnoliophyta (Blommeplantn)
Klasse:	Spermatopsida (Zoadplantn)
Orde:	Asterales
Familie:	Asteraceae of compositae (Asterachtign of composietn)

Geslach

Tagetes
L., 1753

Dat artikel es geschreevn in 't Zuudôostelik West-Vlams.

Poanbroek (Tagetes) of stienkers ès n geslach van êenjårige plantn uut de composietnfamilie (Compositae of Asteraceae). Der zyn styf vele sôortn die åzô vôornkoomn in Middn-Amerika en surtout in Mexico.

Poanbroeks zyn styf ghêerde plantn vôor in dn hof of rond 'n hovetje. An 't ende van dn 16n êeuw wyrdn de sôortn Tagetes patula en Tagetes erecta ingevoerd in Europa. Sedertdien zyn der veel hybriedn versceenn.

De nåme komt verzeker van 't uutzich van de bloars, z' èn de scyn van påne.

Kwêek

Poanbroeks èn n måtign voedselrykn grond nôdig en e plekke van in d' hålfschauwe tot in de zunne. E vochtign en e goed doorloatndn grond ès best vôo d' ontwikkelienge van et plantje. Et uutplantn doen ze in 't vôorjoar.

De plante sprêed stoffn en geure of in de grond die oaltjes, bepoalde insektn en kattn weghoudt. Z'èt dus de nåme de grond t' ontsmettn.

Sôortn

E poar sôortn:

Tagetes tenuifolia: tot 50 cm hôoge, nauwe stiengels, fyn verdêelde bloars, gèlve blommn van juli tot september.
Tagetes tenuifolia 'Pumila': compacte cultivar van de Tagetes tenuifolia
Tagetes erecta: tot 80 cm hôoge, bloars diep ingesneen en styf rieknd, oranje blommn tot in dn herfst
Tagetes patula: tot 30 cm hôoge, bloars diep ingesneen, bruunrôo blommn van juni tot låte in dn herfst