Pietjekuntje

Dat artikel es geschreevn in 't Westhoeks.

Pietjekuntje

E pietjekuntje

Ryk:	Animalia (Bêestn)
Stamme:	Chordata
Klasse:	Aves (Veugels)
Orde:	Passeriformes (Zangveugels)
Familie:	Troglodytidae (Wienterkeuniengs)
Geslacht:	Troglodytes

Sôorte

Troglodytes troglodytes
Carolus Linnaeus, 1758

Pietjekuntjes of winterkeuningskes (Troglodytes troglodytes, Nederlans: winterkoning of winterkoninkje) zyn klêne zangveugeltjes uut e familie va veugels die bykan ollêne vôornkomn in Nôord-Amerika. 't Pietjekuntje is 'n ênigsn van die familie die in Europa leeft.

Uutzicht

't Zyn klêne, brune veugeltjes (de grotste kommn juste langer of 10 cantmeiter), die ier en doa e bitje lichtere strieptjes en (surtout up nundern steirt, die rechte stoat in te plekke van achter nem angt, lik van de mêeste aar veugels). Z'oudn nunder koptje ossan e bitje no beneen.

Verspreidienge en leefgebied

Pietjekuntjes kommn verre in hêel Europa vôorn, mor oek in Azië (toet in Japan) en in Nôord-Amerika.

't Zyn (lik de mêeste veugels oel ier) in d'êeste plekke veugeltjes die in busschn leevn, mor oendertusschn en ze nunder styf goed anepast an't leevn in oopn en in bebouwd gebied.

Leevnswyze

Teetn

't Zyn veugels die joagn up olle sôortn fernient en up kobbn. In de wienter, at er nie vele gin fernient ne mir is, zoekn ze surtout achter bêesterie in gerretjes in boomn.

A't styf koud is, duvn ze in de wienter wel eki wegkruupn in diepe goatn in boomn (nunder Latynsche noame wult olbeweuner zeggn).

Vôortplantienge

't Zyn de vintjes die nest droagn (e nest van ôoi, mos en aar planterie), oltemets mêerdere (toet zeevn) per territorium. De wuvetjes kiezn doa toune intje uut woa dan ze in leggn. Ze droagn nest in struukn of klêne bomtjes, mor oek oltemets in aar diengn (lik buuzn of e gat in e meur).

Ze kunn drie nestn 't joar en, met ider kêe tusschn de vuuf en de achte joengn.

Ofbeeldiengn die ier by passn ku je vien in de categorie Troglodytes troglodytes van Wikimedia Commons.