Beirn

Van Wikipedia
(deureverweezn van Ursidae)

Beirn (Ursidae) vormn e familie van de roofbeestn (Carnivora). De familie omvat nog moar acht leevnde soortn in vuyf geslachtn, moa ze leevn pertang in e grote diversiteit van leefgebiedn. Ze zyn te vyndn ip de continentn Noord-Amerika, Zuyd-Amerika, Europa en Azië.

Kenmerkn van de moderne beirn zyn e groot lyf mè gedroengn pootn, e lange snuyte, kleene roende oorn, 'n hoarige vacht en e korte steirt. Beirn zyn zeulegangers. Ze loopn plat ip de zeuln van hunder pootn mè vuyf nie-intrekboare klauwers.

Beirn zyn over 't algemeen alleseters. Uytzoenderyngn zyn de reuzepanda's die bykan allene moa bamboe eetn en de vleeseetnde ysbeirn die surtout vis en zeehoendn eetn.

Geslachtn[bewerkn | brontekst bewerken]

Der bestoan nog vuyf leevnde geslachtn:

  • Ailuropoda, 1 soorte: Reuzepanda (Ailuropoda melanoleuca)
  • Helarctos, 1 soorte: Maleisn beir (Helarctos malayanus)
  • Melursus, 1 soorte: Lippebeir (Melursus ursinus)
  • Tremarctos, 1 soorte: Brilbeir (Tremarctos ornatus)
  • Ursus, 4 soortn woaroender de Bruynn beir (Ursus arctos) en d'n Ysbeir (Ursus maritimus)