Brontekst bekijken van Vlakte-tajga van Binn-Alaska en Joekon

{{streektoale|Noordelik West-Vlams}}
[[Ofbeeldienge:Interior Alaska-Yukon lowland taiga map.svg|thumb|Liggienge van d' ekostreeke in [[Nôord-Amerika]].]]
[[Ofbeeldienge:Distribution Taiga.png|thumb|Liggienge van de boreoale busschn in de [[Weireld|weirld]].]]
[[Ofbeeldienge:Porcupine_River_YFNWR.jpg|thumb|Nasjonoal Wild-Rizêrvoat van de Joekon-Vlakte.]]
De '''vlakte-tajga van Binn-Alaska en Joekon''', geleegn in [[Alaska]] en [[Canada|Kanada]], is 'n [[ekostreeke]] uut d' [[ekozôone]] ''[[Nearctis]]'' vôgnst de [[Weirld Nateur-Stichtienge]] (WWF) <ref>{{en}} [https://web.archive.org/web/20060615133645/http://www.worldwildlife.org/wildworld/profiles/terrestrial/na/na0607_full.html Ecoregion NA0607 : Interior Alaska-Yukon lowland taiga  (WWF)]</ref><ref>{{en}} [https://web.archive.org/web/20100308052116/http://www.nationalgeographic.com/wildworld/profiles/terrestrial/na/na0607.html Ecoregion NA0607 : Interior Alaska-Yukon lowland taiga (''Nationalgeographic'')]</ref>. Ze makt  dêel uut van 't [[bioom]] de [[boreoale busschn]] of de tajga. D' ippervlakte van d' ekostreeke besloat 44 340 596 êktoarn <ref>{{en}} [https://web.archive.org/web/20160307192616/http://globalspecies.org/ecoregions/display/NA0607 Ecoregion NA0607 : Interior Alaska-Yukon lowland taiga (''Global Species'').]</ref>.

==Beschryvienge==
't Is e streeke mê [[sparre]][[bus]] da bykans hêel 't sentroal en nôordlik binneland van Alaska ([[Verênigde Stoatn|Verêenigde Stoatn]] en Joekon (Kanada) bedekt, vanof de kustn van de Bêerieng-Zêe en de Boofôrt-Zêe toe an de Riesjardson-Bergn in 't ôostn en de Broeks-Bergn in 't nôordn en 't Alaska-Gebergte in 't zuudn. 't Is e lêeggeleegn gebied mê lêege euvls en vlaktn vanof zêe-oogte toe 600 m. In 't nôordôostn van d' ekostreeke ligt de Joekon-Vlakte, e grôot gebied  mê moerassn, bus, vêen, en lêege geleegn groend an 't tegoarekommn van de Joekon-Rieviere, Porsoepajn-Rieviere en Sjandalar-Rieviere, e gebied da vor arktiesch Nôord-Amerika byzoendre ryke is an wilde bêestn lik of dat ook 't gevol is vo de Minto-Vlakte die ook in die ekostreeke ligt. D' oendreliggnde groend van d' ekostreeke is ''permafrost'' en oendanks da 't gebied dichte by de [[zêe]] ligt, êt 't toch e kontienentoal kliemoat mê korte zoomrs en lange koede wientrs, in 't byzoendr in 't binneland <ref>{{en}} [http://www.worldwildlife.org/ecoregions/na0607 Ecoregion NA0607 : Interior Alaska-Yukon lowland taiga  (WWF)]</ref>. 

==Plantn-weirld==
De boreoale busschn bestoan oofzoaklik uut witte sparre (''Picea glauca'') in de warmdre droogdre gebiedn en zwarte sparre (''Picea mariana'') woada 't mêer moerassig is, mo d' ekostreeke omvat ook struukachtige gebiedn mê dwerg[[berke]] (''Betula nana'') en lanst de rieviern zyndr [[Wilge|wilgn]], [[Alnus|elzn]], boalsmpopliern (''Populus balsamea'') en Ameriekoansche roatlpopliern (''Populus tremuloides''). Byzoendre gruujplatsn omvattn de vêenn en venn van ''Old Crow Flats''. Warmdre zuudlik gerichte êlliengn êrbergn zeldzoame plantn die oovreleefd ên in da strieng kliemoat woaroendre ''Cryptantha shacklettiana'', ''Erysimum asperum'' en ''Eriogonum flavum''.

==Bêestn-weirld==
Da gebied is gekend vo ze popuuloasjes van Grant-karieboe (''Rangifer tarandus granti''), 'n oendresôorte van de karieboe mêt e belangryke kudde lanst de Porsoepajn-Rieviere. Twêe andre belangryke grôote kuddn, dedeeze van 't Sentroal Arktiesch Gebied en van 't Westlik Arktiesch Gebied, kunn ook in die ekostreeke vôornkommn. Andre [[zoogbêestn]] zyn grôote popuuloasjes van beirn, wolvn en andre roofbêestn. De [[Veugels|veugls]] uut d' ekostreeke omvattn oalpnsnêeuw-oene (''Lagopus muta''), klêene toppre (''Aythya affinis'') , pylsteirt-eende (''Anas acuta''), ''Melanitta'' spp., Kanadeesche kroanveugl (''Grus canadensis'') en Ameriekoansche smiente (''Anas americana''). Toe slot is 't Porsoepajn-Rieviere bekkn e belangryk kwêekgebied vo sjienookzoalmn (''Oncorhynchus tshawytscha''). 

==Bedreigiengn en beschermienge==
Die boreoale busschn zyn nog bykans hêelegans oengerept buutn oentbusschienge roend de stad Fairbanks en e bitje [[Out|oetkap]] in 't Stoatsbus Tanana-Valleeje. Oolje-oentginnienge goa vôort in Eagle Plains (Joekon). De Dempster-autoweg deurkruust de streeke en ku 't stroopn van wild bevordrn. 't Bus wordt reeglmoatig verniewd deur nateurlik vôorkommnde brandn. Grôote stikkn van d' ekostreeke zittn in beschermde gebiedn. Dedeeze zyn : Nasjonoal Joekon-Vlakte Wildrizêrvoat (in d' oovrstroomiengsvlakte van de Kojoekoek-Rieviere), Nasjonoal Innoko-Wildrizêrvoat, Nasjonoal Nowitna-Wildrizêrvoat (ip de Nowitna-Rieviere, 'n andre zyrieviere van de Joekon) en 't Nasjonoal Arktiesch Wildrizêrvoat, allemalle in Alaska ip groend van 't ''Alaska National Interest Lands Conservation Act'' (e wet), en Nasjonoal Park Voentoet in nôordwestlik Joekon, Kanada. De ''Bonnet-Plume''-Rieviere en de Wiend-Rieviere die no 't nôordn stroomn in de Peel-Rieviere zyn populèère bestemmienge vo trektochtn en kajjakn.
 
==Zied ook noa==
{{Nearktiesche boreoale busschn}}

==Eksterne koppliengn==
*{{en}} [http://www.eoearth.org/view/article/51cbee3c7896bb431f696513/ Interior Alaska-Yukon lowland taiga (''The Encyclopedia of Earth'').]
*{{en}} [http://www.nature.org/science-in-action/science-features/conservation-atlas.xml The Atlas of Global Conservation (''The Nature Conservancy'').] 

==Verwyziengn==
<references>

[[Categorie:Geografie van Canada]]
[[Categorie:Geografie van de Verênigde Stoatn]]
[[Categorie:Boreoale busschn]]
[[Categorie:Ecologie]]