Willem van Gelre en Gulik
Willem van Gelre en Gulik (5 moarte 1364 – Arnhem, 16 februoari 1402) was hertog van Gelre ols Willem I vanof 1377 en hertog van Gulik ols Willem III vanof 1393. Je was de zeune van Willem II van Gulik en van Maria van Gelre.
Je was gekend vanwege zyn militaire activiteitn. Je was vuuf kêers betrokkn in de "Pruusische kruustochtn" en je vocht ook teegn zyn gebeurs in Vrankryk en Broabant binst zyn bewiend. Zyn medestanders woarn Karel IV en Wenceslaus van 't Heilig Rooms Ryk, Richard II van Iengeland en Konrad Zöllner von Rotenstein, grôotmêester van de Duutsche Orde. Binst zyn regerienge woarn d' hertogdommn Gelre en Gulik tydelyk verênigd.
Willem trouwde in 1379 mè Catharina van Beyern, dochter van hertog Albrecht I van Beyern, groaf van Holland, Zêeland en Henegouwn. Ze krêegn gêen joengers tegoare. Catharina stierf in november 1400. Achter Willems dôod volgde zyn broere Reinald IV hem ip.