Zêezoogbêeste

Zêezoogbêest'n zyn zoogbêest'n die hunder zodoanig angepast hèn an 't leevn in de zêe dan ze der ofhankelik van zyn. Ze kunn nie zelfstandig bestoan zoender de zêe. Z' omvat'n de walvisachtign, de vinpôtign, de zêekoein, zêeotters en ysbeirn. Die groep'n zyn nie nauwe verwant an mekoar. Hunder vôoroeders woarn landzoogbêest'n. Vinpôtign, zêeotters en ysbeirn moak'n dêel uut van d' orde Carnivora, walvisachtign van d' Artiodactyla en zêekoein van d' orde Sirenia. Binst da zêehoend'n, ysbeirn en zêeotters nog gedêeltelik ip 't land leevn en hunder kunn verplatsn, is da vo walvisn en zêekoein nie mè meugelik.

Buut'n de gestroomlynde vorm en ofsluutboare neuzegoat'n zyn der gèen kenmerkn die al de zêezoogbêest'n gemêen hèn. By walvisachtign, vinpôtign en zêekoein zyn de vôorpôot'n veranderd in peddelachtige vinn. D' achterpôot'n zyn hêlegans verloorn gegoan (walvissen, zeekoeien) óf veranderd in vinn in 't woater (vinpôotign). Zêeotters en ysbeirn hèn allêne moa zwemvliezn tusschn hunder têens. Walvisn en zêekoeien hèn hunder hoar hêlegans verloorn en sôort'n uut koede streek'n hèn vetweefsel oender hunder vel, sommigte mè specifieke vetloagn. Alhoewel da 't oasemn te vergelykn is met da van al de zoogbêest'n, kunn zêezoogbêest'n toet 3 eurn duuk'n in woaterdieptes toet 3000 meter.

Zêeotters (Enhydra lutris)
Bultrikwalvis (Megaptera novaeangliae)
Geweune zêehoend (Phoca vitulina)
Caraïbische lamantine, orde zêekoein (Trichechus manatus)

Ofbeeldiengn die ier by passn ku je vien in de categorie Marine mammals van Wikimedia Commons.