2011

Van Wikipedia
2008 - 2009 - 2010 - 2011 - 2012 - 2013 - 2014

2011 (MMXI) is e joar da begunt ip e zoaterdag in de Gregorioansche kalender. 't Is 't elfste joar van 't derde millennium en van d' 21ste êeuwe, en 't is 't twidde joar van 't decennium 2010.

De Verênigde Noaties (VN) hen 2011 uutgeroopn toet "Internationaal Joar van 't Bus" en "Internationaal Joar van de Chemie".

Gebeurtenissn[bewerkn | brontekst bewerken]

Zicht ip d' hoavestad Sendai in Japan achter de zêebevienge en tsunami in moarte 2011
januoari
  • 1 - Estland wordt 't zeevntienste lid van d' eurozone en voert den euro in.
  • 1 - Hongareye pakt 't vôorzitterschap van de Road van d' Europeesche Unie over van België toet 1 juli 2011.
  • 14 - In Tunesië vlucht president Zine El Abidine Ben Ali 't land uut achter zwoar protest en revolte teegn ze beleid (Jasmynrevoluusje). Êeste minister Mohamed Ghannouchi en parlementsvôorzitter Fouad Mebazaa pakkn de macht over.
februoari
  • 11 - Achter achttien doagn van protest en relln stapt de president van Egypte Hosni Mubarak ip en droagt de macht over an 't leger. Je was bykan dertig joar an de macht.
moarte
april
  • 12 - In Japan geevn ze de kernrampe toe van Fukushima, die ontstoan is achter de zêebevienge en tsunami van 11 moarte.
  • 29 - In Londn trouwt prins William, hertog van Cambridge, me Catherine Middleton.
meie
  • 2 - Dôod van Osama bin Laden, leider van d' islamistische terreurorganisoasje Al Qaida, deur elitetroepn van 't Amerikoans leger.
  • 9 - De Vlamsche coureur Wouter Weylandt valt binst de derde etappe in de Giro d'Italia en j' is ip slag dôod.
  • 14 - Dominique Strauss-Kahn, topman van 't IMF (Internationaal Monetair Fonds), wordt in New York ang'houdn omdat 'n e koamermeisje van zyn hotel zoudt angerand hen.
  • 26 - De Bosnisch-Servische militaire leider Ratko Mladić wordt g'arresteerd en loater vervolgd deur 't Joegoslavië-tribunoal in Den Haag.
juli
  • 1 - Pooln pakt 't vôorzitterschap van de Road van d' Europeesche Unie over van Hongareye.
  • 2 en 3 - Trouw van Prins Albert II van Monaco me Charlene Wittstock.
  • 22 - By twêe ansloagn in Nôorweegn valln der 77 dôo; achte deur en ottobomme in de regeriengswyk van Oslo en en eure loater wordn 69 jounge menschn dôodgeschootn in e jeugdkamp van de Noorse Arbeiderspartie ip 't eiland Utøya. Den doader is de Noor Anders Behring Breivik.
ogustus
  • 18 - 't Muziekfestival Pukkelpop in Hasselt-Kiewit, Limburg, wordt stopgezet achter dan der vuuf dôo en 140 gekwetste gevalln zyn binst e zwoare dundervloage.
oktober
  • 20 - Dôod van Muammar al-Khaddafi, de vroegere leider van Libië, in Sirte.
  • 31 - D' eirde telt officieel zeevn miljard menschn.
december
  • 6 - In België legt de regerienge-Di Rupo den eed of by keunienk Albert II.
  • 13 - By en anslag in Luuk valln der 6 dôo (woarounder den doader Nordine Amrani) en 125 gekwetste.

Muziek[bewerkn | brontekst bewerken]

Bestverkochte singles in Vloandern:

  1. Gotye & Kimbra - Somebody that I used to know
  2. Adele - Rolling in the Deep
  3. Adele - Set Fire to the Rain
  4. LMFAO - Party Rock Anthem
  5. Adele - Someone Like You
  6. Pitbull, Ne-Yo, Afrojack & Nayer - Give me everything
  7. Lykke Li - I follow rivers
  8. Jennifer Lopez & Pitbull - On the Floor
  9. Snoop Dogg & David Guetta - Sweat
  10. Agnes Obel - Riverside

Bestverkochte alboms in Vloandern:

  1. Adele - 21
  2. Selah Sue - Selah Sue
  3. Hooverphonic - The night before
  4. Marco Borsato - Dromen durven delen
  5. Bruno Mars - Doo-Wops & Hooligans
  6. Triggerfinger - All this dancin' around
  7. Coldplay - Mylo Xyloto
  8. Rihanna - Loud
  9. Foo Fighters - Wasting Light
  10. Gotye - Making mirrors

Gestorvn[bewerkn | brontekst bewerken]

januoari
  • 4 - Walter Geerts (81), Vlamschn tv-journalist
  • 18 - Frans Minnaert (81), Vlamsche kunstschilder
  • 18 - Marcel Marlier (80), Woalschn illustrateur
  • 20 - Paul Ducheyne (85), West-Vlamschn advocoat en vôorzitter van Cercle Brugge.
februoari
  • 8 - Marie-Rose Morel (38), Vlamsche politica
moarte
  • 23 - Elizabeth Taylor (79), Amerikoansche actrice
  • 29 - Bob Benny (84), Vlamsche zanger
april
  • 2 - Jef Burm (87), Vlamschn acteur
  • 11 - La Esterella (91), Vlamsche zangeresse
meie
  • 2 - Osama bin Laden (54), Saoedi-Arabischn terrorist en leider van Al Qaida
  • 9 - Wouter Weylandt (26), Vlamsche coureur
  • 14 - Fuad Rifka, Syriesche dichtre
juni
  • 2 - Willem Duys (82), Hollandsche radio-en tv-presentateur
  • 23 - Peter Falk (83), Amerikoanschn acteur
  • 26 - Heere Heeresma (79), Hollandsche schryver
juli
  • 8 - Betty Ford (93), Amerikoansche first lady
  • 17 - John Kraaijkamp sr. (86), Hollandschn acteur en komiek
  • 23 - Johnny Hoes (94), Hollandsche zanger, liedjesschryver en ploatnproducer
  • 23 Amy Winehouse (27), Iengelsche jazz- en soulzangeresse
september
  • 2 - Tony Corsari (84), Vlamschn tv-presentateur en zanger
oktober
  • 20 - Muammar al-Khaddafi (69), Libischn dictateur
  • 28 - Willy De Clercq (84), Vlamsche polletieker
december
  • 18 - Václav Havel (75), Tsjechische schryver en polletieker
  • 24 - Bruno Huygebaert (50), Vlamsche journalist

Nobelpryzn[bewerkn | brontekst bewerken]

  • Scheikunde: Dan Shechtman
  • Economie: Christopher Sims en Thomas Sargent
  • Literateure: Tomas Tranströmer
  • Vrede: Ellen Johnson Sirleaf, Leymah Gbowee en Tawakkul Karman
  • Fysica: Saul Perlmutter, Adam Riess en Brian Schmidt
  • Fysiologie of geneeskunde: Bruce Beutler, Jules Hoffmann en Ralph Steinman
Wikimedia Commons