2012

Van Wikipedia
Ga naar: Begunplekkn, zoeken
2009 - 2010 - 2011 - 2012 - 2013 - 2014 - 2015

2012 (MMXII) is e schrikkeljoar die begunt ip e zundag. 't Is 't twoalfste joar van 't derde millennium en van d' 21ste êeuwe, en 't derde van de joarn 2010 in de Gregorioansche kalender.

Gebeurtenissn[bewerkn | brontekst bewerken]

Openienge van The Shard in Londn
Openiengsceremonie van d' Olympische Speeln in Londn
januoari
  • 1 - Denemarkn pakt 't vôorzitterschap van de Road van d' Europeesche Unie over van Pooln.
  • 13 - Rampe mè 't cruiseschip Costa Concordia by 't Italioans eiland Isola del Giglio in de Tyrreensche Zeê.
  • 23 - Chinees Nieuwjoar. Begun van 't joar van de droake.
februoari
  • 17 - Prins Johan Friso van Holland wordt binst 't skiën bedolvn oender e lawine. Je lopt doaby een heirsnletsel ip en ligt sedertdien in coma in e speciale klinieke in Londn.
moarte
  • 13 - In e tunnèl by Sierre in Zwitserland veroengelukt er een Belgischn buus mè schooljoenges die werekeêrdn van under skivakanse. Der valln 28 doô, woavan 22 joenges.
april
  • 5 - UNESCO makt bekend da 't wrak van den Titanic ip de Weirelderfgoedlyste komt. 't Schip is van de moand juste hoenderd joar geleen gezoenkn.
meie
  • 6 - De socialist François Hollande wordt verkoozn toet president van Frankryk. Je volgt Nicolas Sarkozy ip.
juni
  • 2 - In Egypte krygt ex-president Hosni Moebarak leevenslank gevang.
  • 3 - Keuniginne Elizabeth II van 't Vereênigd Keunienkryk is tjestig joar stoatshoofd en da wordt gevierd mè meêr of duusd boôtn ip den Theems.
  • 24 - Mohamed Morsi wint de presidentsverkieziengn in Egypte. Je wordt de nieuwe president en ipvolger van Hosni Moebarak die ofgezet is.
juli
  • 5 - In Londn wordt 't hogste gebouw van Europa g'opend, The Shard oftewel De Scherf van 310 meter hoge.
  • 27 - D' Olympische Zomerspeeln 2012 in Londn wordn officieel g'opend deur keuniginne Elizabeth II van 't Vereênigd Keunienkryk. Ze deurn t/m 12 ogustus.
oktober
  • 12 - De Nobelprys vo de Vrede wordt toegekend an d' Europeesche Unie.
  • 14 - Gemeênte- en provinsjeroadsverkieziengn in België.
  • 16 - By e groôte kunstroof in de Kunsthalle Rotterdam in Holland wordn schilderyen gestooln van Pablo Picasso, Henri Matisse, Claude Monet, Paul Gauguin, Meijer de Haan en Lucian Freud.
  • 22 - Den Amerikoansche coureur Lance Armstrong wordt deur den UCI geschorst vo de reste van zyn leevn en gerakt al zyn tourzeges kwyt.
november
  • 6 - Presidentsverkieziengn in de Verênigde Stoatn. Den Democroat, president Barack Obama, versloat zyn Republikeinschn teegnstander Mitt Romney.
  • 29 - Palestina wordt deur de Verênigde Noaties (VN) erkend als soevereine stoat.
december
  • 9 - Den Beneluxtring tusschn Amsterdam en Brussel wordt vervangn deur den hogesnelheidstring Fyra.
  • 22 - Gangnam Style van de Zuud-Koreoansche zanger PSY wordt den eêste video met e miljaar views ip de website YouTube.
  • 25 - In China wordt de langste hogesnelheidslyne ter weireld g'opend. De lyne lopt van Peking noa Kanton en is 2.298 kilometer lank.

Muziek[bewerkn | brontekst bewerken]

Bestverkochte singles in Vloandern:

  1. Michel Teló - Ai se eu te pego!
  2. Gusttavo Lima - Balada
  3. Triggerfinger - I follow rivers
  4. Sam Sparro - Happiness
  5. Asaf Avidan - One day / Reckoning song (Wankelmut rmx)
  6. Carly Rae Jepsen - Call me maybe
  7. PSY - Gangnam Style
  8. Gers Pardoel - Ik neem je mee
  9. Birdy - People help the people
  10. Gotye & Kimbra - Somebody That I Used to Know

Geboorn[bewerkn | brontekst bewerken]

Gestorvn[bewerkn | brontekst bewerken]

februoari
meie
juni
juli
ogustus
september
oktober
november
december
Wikimedia Commons