Bordeaux

Van Wikipedia
Ga naar: Begunplekkn, zoeken
Stik van et Monument aux Girondins

Bordeaux (235.891 inweuners (2008), agglomeroasie 753.931 (1999)) is den achtsten grotste stad van Frankryk. Ze ligt in 't zuudwestn van Frankryk en z'is den oofdstad van 't departement Gironde en de regio Aquitanië.

Bordeaux ligt an de rivier de Garonne ip 98 km van den Atlantische Oceoan. Sedert dan de Iengelse in de 14sten êeuwe, binst den ounderdjoarigen orloge, de stad in anden aan, is Bordeaux uutgegroeid toet een echte andelsstad die wêereldberoemd is vo den export van z'n wyn. Tegenwoordig zyn der ook veel activiteitn round export van out, luchtvoart, electronica en chemie.

Et Grand Theatre

Sedert een poar joar zyn ze hêle stikken van Bordeaux an 't restaureern wodeure dat 't een schoane stad an 't wordn is. Den oude stad strekt em uut van de Place de la Victoire toet an de Place de la Comédie, die verboundn zyn deur de Rue Sainte Catherine, volgenst under de langste wienkelstroate van Europa. Andre schoane diengn vo te zien, zyn et Monument aux Girondins, een spectaculaire fonteine, et Grand Théatre, de Cathédrale Saint-André en de Grosse Cloche, die den oogst van de wyndruuvn inludige.

Victor Hugo zei over Bordeaux: "Pak Versailles, doet do Antwerpn by, en j'e Bordeaux."