Fazante

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Ypers.

Phasianus colchicus
Phasianus colchicus

E fazante is e grôotn veugel die overol in West-Vloandern vôornkomt. Ze zyn ôorsprounkelik van Azië, mo ze leevn nu in verre hêel Europa.

't Bestoan buutn de geweune fazante (woarover dat 't ier goat) nog e masse sôortn fazantn (lyk pauws), mo doavan leevn der ginne vry in West-Vloandern.

Uutzicht[bewerkn | brontekst bewerken]

't Vintje is grodder of 't wuvetje (toet 90 cm voe 't vintje en toet 60 cm voe 't wuvetje) en 'n et e langern steirt. En is oek mêer ekleurd. Ze kop is groene met e grôte rôo plekke. Oltemets et 'n an ze nekke e wittn riengel, mo dat is nie algemêen. Ze lyf is bruunachtig me witte, zworte en grysde plekkn.

't Wuvetje is bruun-grysde va kleur en volt vele miender up.

Verspreidienge[bewerkn | brontekst bewerken]

Ôorsprounkelik kommn ze uut Azië, mo ze zyn in Europa verzeker deur de Romeinn inevoerd voun up te joagn. Oek nu nog is er styf vele up ejoagd. Ze komn in Europa overol vôorn buutn in Scandinoavië en Portugal.

Leevnswyze en teetn[bewerkn | brontekst bewerken]

Ze kommn surtout vôorn in oopn veld, mo ze leevn oek in busschn (ze sloapn mêestol in boomn). Z'eetn vanolles (groan, ges, bloars en bêestery). In West-Vloandern zyn ze mei verantwôordelik voe 'n achteruutgang van 'n oazelworme (en oagedisse zounder pôotn), woa dan ze up joagn. Ze kunn froai goed vliegn, mo dadde en doen ze nie zovele.

E vintje et mêestol mêerdere wuvetjes ounder nem. Ze moakn e nest up de ground en leggn oungeveer 10 eiers tusschn april en juni. Ze broedn tusschn de 3 en de 4 weekn. Ze bluuvn en endetje by nunder moeder en groein styf zêre, ze zyn ol eevn grôot of nunder ouders achter 15 weekn.

Wikimedia Commons Mêer ofbeeldiengn die ier by passn ku je vien ip Phasianus colchicus ip Wikimedia Commons.